SuperDizionari

sodisfazion s.f.
(so-dis-fa-zi-on)

Cundizion di cui che al è sodisfat, content

sinonims

apaiament, consolazion, contentece, gjoldiment, gust, plasê, gratificazion

esemplis

"il mangjâ al è une esperience cu lis emozions discjadenadis dai stimui sensoriâi (viste, savôr, gust, nulôr) e dai stimui astrats leâts a percezions di benefici psicologjic o a valôrs che a puartin a un sintiment di sodisfazion, gratificazion, contentece"

gjavât fûr di "Lenghe e sielte de alimentazion di bande dal consumadôr" di Franco Rosa

"si freave lis mans, e no si capive se par mostrâ miôr la sodisfazion o parcè che al veve frêt"

gjavât fûr di "Prime di sere" di Carlo Sgorlon

sodisfazion s.f.
(so-dis-fa-zi-on)

Fat, episodi, situazion, ativitât, risultât e v.i. che al fâs jessi contents

sinonims

apaiament, consolazion, gratificazion

esemplis

"cualchi sodisfazion, si à di cjatâle ancje in cjase, par no che la cjase e deventi une preson"

gjavât fûr di "Lis predicjis dal muini" di Josef Marchet

"a lavoravin cun tant impegn e pocje sodisfazion economiche"

gjavât fûr di "Un Friûl difarent: i 90 mhz di Onde Furlane" di Max Mauro

"une des plui grandis sodisfazions che o vevin noaltris fruts di Baracêt e jere chê di lâ a pescjâ tal suei «difûr»"

gjavât fûr di "A pescje tal suei" di Lucio Perès

sodisfazion s.f.
(so-dis-fa-zi-on)

Il corispuindi o il rispuindi ad in plen a une esigjence, a une domande

sinonims

rispueste, apaiament

esemplis

"o vin simpri scombatût par un ordenament che al des sodisfazion aes esigjencis di ducj i autonomiscj sincîrs"

gjavât fûr di "Esam di cussience" di Josef Marchet

monolengâl