Hai cercato la parola
monolingue
Torna indietro

monolingue

soreli a mont loc.s.m.
Il lâ jù dal soreli dongje dal orizont e sot dal orizont, moment de zornade che il soreli al va dongje e sot dal orizont
sinonimi
tramont, amont
esempi
"la campagne e jere dute in flôr e la sere e lusive dal aur dal soreli a mont fra une ligrie di grîs e rusignûi"
da "La sûr" di Pieri Somede dai Marcs
soreli a mont loc.s.m.
Pont cardinâl che al segne la direzion li che al va jù il soreli, direzion, teritori e v.i. che al è de bande di chel pont cardinâl
sinonimi
Ovest, ocident, a mont, bonât, soreli bonât, soreli poiât
esempi
"la Patrie dal Friûl e je chê tiere che si cjate a sei tal cûr da la Europe, tacade cu la Austrie a tramontan, cu la Jugoslavie a soreli jevât e cu la Italie a soreli a mont"
da "No impaçâsi" di Riedo Pup
"i muarts de plêf di Sant Martin, par vieri, ju soteravin su la mont di Sant Pieri a Zui, glesie mari dal cjanâl. E la mont di Sant Pieri e je te stesse direzion di Sant Jacum, viers soreli a mont "
da "Sant Jacum, là che al finìs il mont" di Antoni Beline
proverbi
"cuant che il nûl al va a soreli jevât, mole il bo e va pal prât; cuant che il nûl al va a soreli a mont, cjape il bo e va a disconç"
"prin ton a soreli jevât, cjol il sac e va a marcjât; prin ton a soreli a mont, cjol il sac e va pal mont"
"soreli a mont tal sac, di ploie dut un slavuac"
Torna in Cima