SuperDizionari

spazi s.m.
(spa-zi)

Dimension fisiche li che si concepìs e che si percepìs che a sedin lis robis

esemplis

"dut chel che al esisteve al scugnive par fuarce jessi dentri dal spazi e dal timp, e fûr di chês dimensions nol jere che il nuie"

gjavât fûr di "Il dolfin" di Carlo Sgorlon

"da la organizazion dal spazi si pues lei tal lâ dai secui la storie e la evoluzion dal teritori"

gjavât fûr di "Studi da la evoluzion dal paisaç mediant i toponims" di Rino Gubiani

spazi s.m.
(spa-zi)

[FO] (astron.) Sede infinide des stelis e dai planetis, considerade come ambit di studi e di esplorazion

sinonims

cîl, cosmi, univiers

esemplis

"[lis stelis] a produsin energjie che e ven soflade intal spazi sot forme di rais eletromagnetics"

gjavât fûr di "Il Sisteme Solâr e lis sôs leçs" di Bepi Zefon

spazi s.m.
(spa-zi)

Estension limitade, libare o ben ocupade di alc

sinonims

puest, sît

esemplis

"un trop di machinis parcadis mo chi mo li, che a jemplavin dut il spazi da la place"

gjavât fûr di "Il sium di Lissandri" di Franca Mainardis

"davour di une tende scure, si viarzeve un spazi piçul, larc e lunc sui doi metris. Ator al ere siarât di un mûr dal colour di savalon"

gjavât fûr di "Kebar krossè" di Stiefin Morat

spazi s.m.
(spa-zi)

Costruzion o struture, o part di costruzion o struture, dedicade a une cierte ativitât

sinonims

ambient, puest

esemplis

"un centri culturâl, cun spazis espositîfs, salons par riceviments e cerimoniis"

gjavât fûr di "Il Cjistiel di Ruvigne" di Venusia Dominici

spazi s.m.
(spa-zi)

Estension astrate, spec. delimitade, categorie concetuâl (fig.)

esemplis

"la matematiche e nas de stesse bisugne argomentative de filosofie, che e nas in Elade, la bisugne di costruî un spazi di cognossincis e di veretâts condividudis"

gjavât fûr di "Viaç aes origjins dal Logos" di Adrian Cescje

spazi s.m.
(spa-zi)

Cuantitât di timp, di test, di impegn, atenzion e v.i. dedicade a une cierte ativitât, spec. tai mieçs di comunicazion (fig.)

esemplis

" informâ i citadins par mieç di boletins bilengâi e di spazis informatîfs radiotelevisîfs par furlan"

gjavât fûr di "Pai dirits linguistics in Friûl - Vignesie Julie 2008-2013" di Comitât 482

"si è rivâts a fadie a otignî te radio e te television dome piçui spazis sperimentâi in oris di basse scolte"

gjavât fûr di "I dîs agns de leç n. 482/99" di Silvana Fachin Schiavi

"notiziis bielis [...] che magari un pôcs di gjornâi no publichin, salacor nome par mancjance di spazi"

gjavât fûr di "Il partît dai zovins coscrits" di Riedo Pup

spazi s.m.
(spa-zi)

[TS] (tipogr.) Inte pagjine stampade o datiloscrite, interval libar tra lis peraulis

esemplis

"eliminâ i doplis spazis"

spazi s.m.
(spa-zi)

[TS] (mus.) Tal pentagram, interval tra une rie e chê altre

monolengâl