SuperDizionari

specialitât s.f.
(spe-ci-a-li-tât)

Il jessi speciâl, particolâr

sinonims

particolaritât

esemplis

"un Vanzeli che al sarès stât componût adiriture di Sant Marc Evangjelist, e che al varès dimostrât la specialitât di une Glesie Basilicane, peade al so teritori e a la sô int"

gjavât fûr di "Siums di storie" di Angelo Floramo

specialitât s.f.
(spe-ci-a-li-tât)

Carateristiche speciâl, tipiche

sinonims

particolaritât, tipicitât

esemplis

"une altre “specialitât” de culture furlane, derivade de sô storie, e je chê di jessi “une crosere di popui”"

gjavât fûr di "Pre Checo e la storie" di Gian Carlo Menis

specialitât s.f.
(spe-ci-a-li-tât)

Categorie particolâr, individuade di sôs carateristichis diferentis di chês di altris categoriis

sinonims

sorte, categorie, cualitât

esemplis

"cerçâ dutis lis specialitâts di vin"

gjavât fûr di "Pre Pitin" di Antoni Beline

specialitât s.f.
(spe-ci-a-li-tât)

Fat particolâr, circostance specifiche

sinonims

câs, circostance

esemplis

"ancja chei vegneran a proporzion, seont la circostança de la specialitât, straordinariamentri cjastiâts"

gjavât fûr di "Compendi di ducj i contegnos pal soldât comun tant in guarnigjon, come in cjamp devant il nemì, cul zurament e i articui di vuera" di Antoni Brumat

specialitât s.f.
(spe-ci-a-li-tât)

Setôr di ativitât caraterizât di funzions e competencis particolârs

esemplis

"il teme de esperience e dal ampliament de casistiche di operativitât dai miedis e dai sanitaris al pues jessi decidût in maniere oportune cuntune turnazion di personâl tra nosocomis grancj e piçui. Chest al tocje la ostetricie, ma ancje tantis altris specialitâts medichis"

gjavât fûr di "Tisane o Palme? Il Friûl al à bisugn di ducj i doi i ponts nassite" di Roberto Pensa

specialitât s.f.
(spe-ci-a-li-tât)

Ognidun dai setôrs di une stesse ativitât sportive

esemplis

"[tal speedway] si pues cori ancje su la glace, e chê specialitât e à non ice-speedway"

gjavât fûr di "Marama Toyo, l’istrian che al amave il speedway" di Davide Francescutti

specialitât s.f.
(spe-ci-a-li-tât)

Azion, prodot o preparazion che si fasin cuntune abilitât particolâr

esemplis

"un biel pâr di dalminis di pôl, specialitât de Dite"

gjavât fûr di "Lis predicjis dal muini" di Josef Marchet

"mi vignive dongje riduçant par fâmi cerçâ une sô specialitât: la sgnape di barancli"

gjavât fûr di "I forescj" di Alan Brusini, Gian Paolo Linda

specialitât s.f.
(spe-ci-a-li-tât)

[TS] (med.) Preparazion farmacologjiche metude in cumierç za pronte, no preparade dal speziâr

esemplis

"cheste specialitât nissun [speziâr] la ten... Bisugnarês fâle vignî di Milan..."

gjavât fûr di "Il speziâr" di Costantino Smaniotto

monolengâl