SuperDizionari

sperimentâ v.tr.
(spe-ri-men-tâ)

Cognossi, capî, vê dimostrazion par vê provât in maniere direte, personâl e concrete

sinonims

cognossi, provâ, savê

esemplis

"cjatantsi insieme a Magnan une volte, par fâ i conts cui fituâi di Pramper, e verin une ocasion stupende par sperimentâ il lôr coragjo"

gjavât fûr di "La teme - Une gnot intun cjastiel" di Giovanni Gortani

sperimentâ v.tr.
(spe-ri-men-tâ)

Meti in vore pe prime volte un imprest, verificâ il rindiment e la capacitât di un machinari o la validitât e la eficacitât di un prodot

sinonims

provinâ

esemplis

"[Malignani] tornât a cjase sul ronc sot dal cjistiel al scomence a costruî e sperimentâ lis primis lampadinis eletrichis"

gjavât fûr di "La invenzion dal vueit inte lampadine di Turo Malignani. Storie, gnovis ipotesis e atualitât" di Lorenzo Marcolini

sperimentâ v.tr.
(spe-ri-men-tâ)

Fâ alc di gnûf, alc che nol jentre tes categoriis za canonichis o tradizionâls (ancje ass.)

esemplis

"la nestre scuele medie [...] bielzà tai agns '70 e sperimentave in dutis lis classis une ore par setemane di lenghe e culture furlane"

gjavât fûr di "Une scuele indevant" di Luca Coraduzza

"chi si è fat un sfuarç prin che inaltrò par sperimentâ une gnove cure [dal malstâ mentâl]"

gjavât fûr di "Se la Europe nus cjale no vin di vê pôre" di Walter Tomada

sperimentâ v.tr.
(spe-ri-men-tâ)

Verificâ une ipotesi sientifiche in maniere concrete, obietive e che si pues ripeti (ancje ass.)

esemplis

"Un esperiment compagn al è stât fat ancje di A. Pacinotti cun lastris di ram, e cun di plui al à ancje sperimentât la variazion di fotocondutibilitât in relazion des diviersis componentis di lûs solâr scomponude cuntun prisme di Newton"

gjavât fûr di "Lis celis organichis nanostruturadis" di Lorenzo Marcolini

monolengâl