SuperDizionari

spiâ v.tr.
(spi-â)

Tignî controlât di scuindon cdn. par savê ce che al fâs cence fâsi inacuarzi

esempi

"vuê a la fin sin al sigûr, / che nissun nus ten daûr / par spiâ dulà che lin, / par scoltâ ce che disìn"

da "Pronostic dal Strolic piçul par l'an 1867" di Pieri Çorut

"a savevin che done Pine ju spiave, che e cirive di savê chel che si disevin"

da "Chei di Muraie" di Pieri Menis

spiâ v.tr.
(spi-â)

Fâ savê alc di segret o di risiervât (ancje ass.)

esempi

"il Patriarcje bizantin di Grau, Zuan, savude la cjosse, al spià dut al pape Adrian e il pape al visà Carli"

da "Cuintristorie dal Friûl fin sot la Italie" di Josef Marchet

"al jere nome il capelan daûr l'altâr che lu veve viodût e sintût; ma chel bon predi nol spià mai il fat a dinissun"

da "I furlans e lis sagris" di Riedo Pup

spiâ v.tr.
(spi-â)

Rivâ a scuvierzi cjalant alc, soredut se al è un pôc platât

esempi

"e veve cjalât so fi par spiâ ce sintiments che a jerin daûr di chê domande"

da "Îr e doman" di Gianni Gregoricchio

"e trame e trame chê frute come une parussule inglaçade da zulugne e ti spie cualchi bucugnut di alc e ce par parâ vie la fan"

da "Mi ûstu ben?" di Dolfo Zorzut

spiâ v.tr.
(spi-â)

Cjalâ, indreçâ i voi cun atenzion

sinonimi

cjalâ

esempi

"i cor a cjasa par cjatâmi cun te / ti spii tai voi che a no domandin nuia"

da "Preiera par Tualias" di Andrea Dell'Orbo

"«O scuen propit partî, Leni» La femine lu spià cjalantlu tai voi e cence dî nuie, ma dentri si faseve scure come par un nûl che le umbrive"

da "La tiere di Lansing" di Maria Forte

monolingue