Tu âs cirût la peraule
monolengâl
torne indaûr

monolengâl

stâ impins loc.v.
Jessi dret, poiant par tiere dome cui pîts, no jessi ni sentât ni distirât
esemplis
"i tremavin lis gjambis tant di stentâ a stâ impins"
gjavât fûr di "Si disarès che e je inventade" di Pieri Menis
"«Mandi, fradi… puedio judâti?» al disè. Chel altri nol rispuindè subite. Al steve impins, fer"
gjavât fûr di "Soreli jevât a mont" di Raffaele Serafini
Viôt ancje: stâ in pîts
stâ impins loc.v.
Vê un minim di fuarce, di salût, di vite
sinonims
stâ sù
esemplis
"o vevi dûl a vioditi cussì zovin murî zornade par zornade e o preavi che tu stessis impins une dì ancjemò, une dì ancjemò, une dì ancjemò..."
gjavât fûr di "Storie di Min" di Ivano Urli
stâ impins loc.v.
Restâ in posizion verticâl o mantignî la posizion o struture normâl, no colâ
sinonims
stâ sù
esemplis
"dopo dal taramot a àn vût pôre che il tor di Maian nol stes impins plui, e lu àn tirât jù"
stâ impins loc.v.
Di idee, argoment, progjet, tesi e v.i., vê une buine logjiche o une buine corispondence cu la realtât
sinonims
stâ sù
esemplis
"o Crist al è risussitât, e alore il Cristianisim al sta impins , o Crist nol è risussitât, e alore la nestre fede a sarà une biele parabule, ma no à nuie di reâl"
gjavât fûr di "La Pasche" di Francesc Placerean
torne sù