SuperDizionari

stâ in pîts loc.v.

Jessi dret, poiant par tiere dome cui pîts, no jessi ni sentât ni distirât

esemplis

"cui strac di stâ in pîts, cui stuf di stâ a scoltâ, e scomençavin a sentâsi"

gjavât fûr di "La Madalene" di Zuan Lurinçon

"[dai vidieluts] a ‘nd jere un nassût la dì prime e al stentave a stâ in pîts"

gjavât fûr di "La aghe da pît la cleve" di Dino Virgili

Viôt ancje: stâ impins

stâ in pîts loc.v.

Vê un minim di fuarce, di salût, di vite

sinonims

stâ sù

esemplis

"i soldâts che a rivavin ancjemò a stâ in pîts [...], si contavin sui dêts di une man"

gjavât fûr di "Il dolfin" di Carlo Sgorlon

stâ in pîts loc.v.

Restâ in posizion verticâl o mantignî la posizion o struture normâl, no colâ

sinonims

stâ sù

esemplis

"i ai alçât i voi e a colp i ai cjatât alt parsore di me, il slambri di mûr, altissim, che al viarzeve il teritori de Cengle. Un mûr sdrumât, un spironton alt desinis di metris e che no si capive cemout che al podeve stâ in peits"

gjavât fûr di "Kebar krossè" di Stiefin Morat

stâ in pîts loc.v.

Di idee, argoment, progjet, tesi e v.i., vê une buine logjiche o une buine corispondence cu la realtât

sinonims

stâ sù

esemplis

"mi someave che dentri al fos dut un messedot di bausiis, di robis che no stevin in pîts , che no podevin sucedi"

gjavât fûr di "Il dolfin" di Carlo Sgorlon

monolengâl