SuperDizionari

stâ parsore loc.v.

Stâ adalt, cun o cence contat cun ce che al è sot

esemplis

"la corint di aria che prima disevi, [...] traviarsa la filiada e il strât di gran che gji sta parsora e suiant nel so passaç chist gran, al si imbêf di vapôr"

gjavât fûr di "Il me paîs" di Federigo Comelli

"pilastris o colonis, dulà che si scjarie il pês de struture che e sta parsore"

gjavât fûr di "Storie de art in Friûl" di Bepi Agostinis

stâ parsore loc.v.

Jessi intune posizion jerarchiche di superioritât, jessi plui impuartant

esemplis

"se no si po infidâsi dal personâl di un ufici, parcè si varessial mo di infidâsi dal personâl di chel altri che i sta parsore a controlâlu?"

gjavât fûr di "Jerarchie" di Josef Marchet

"lis resons di marcjât a stan parsore di chês de identitât e de cualitât dal prodot dal teritori"

gjavât fûr di "Vignâi: lis autoritâts sotanis e la resistence dai coltivadôrs" di Mara Piccoli

stâ parsore loc.v.

Fâ sintî control, pression psicologjiche su chei altris

sinonims

stâ sot, stâ intor

esemplis

"no si pues stâ simpri parsore dai fîs, si à di lassâ che a fasin la lôr vite"

stâ parsore loc.v.

Fâsi sintî tant che pês, menace, pericul, imposizion e v.i.

esemplis

"de Scozie ae Frisie, ae Bretagne, ae Baviere, ae Val di Aoste, al Friûl, il stes pericul - ce plui ce mancul fuart - al sta parsore e al scjafoie lis lôr libertâts politichis, il lôr svilup culturâl: il centralisim nazionâl"

gjavât fûr di "Europe regjonaliste" di Josef Marchet

"il pinsîr de muart si slargjave e i stave parsore"

gjavât fûr di "Ombris tal infinît" di Carlo Sgorlon

monolengâl