SuperDizionari

staronzâ v.tr.
(sta-ron-zâ)

Taiâ alc tor ator, par dâi une forme taronde o plui o mancui taronde

sinonims

tarondâ

esemplis

"mestri Checo al ripià il stranset e al finì di staronzâ lis suelis di un pâr di scarpis, sueladis aromai pe tierce volte e, ogni volte, fruiadis fin sul vuardul"

gjavât fûr di "Cretevierte" di Roberto Ongaro

staronzâ v.tr.
(sta-ron-zâ)

Fâ taronde une cifre o une cuantitât par difiet

esemplis

"al è un an che no mi paie e ancjimò al intint di staronzâ il cont"

gjavât fûr di "Il Nuovo Pirona" di Giulio Andrea Pirona, Ercole Carletti, Giovanni Battista Corgnali

staronzâ v.tr.
(sta-ron-zâ)

Fâ che alc, ancje imateriâl, al sedi plui piçul, plui curt, plui bas, plui limitât e v.i. (fig.)

sinonims

scurtâ, sbassâ, taiâ, strenzi, ridusi, limâ

esemplis

"chel fregul di indipendence e di decentrament che al è restât tal ordenament regjonâl preparât de Comission plenarie al vignarà ancjemò staronzât e ridusût e, par ben che e vadi, e saltarà fûr une pape di lin, cence savôr e cence risultâts"

gjavât fûr di "80 discors" di Josef Marchet

"alc lu ai savût di altris e lu vent daûr che lu ai comprât, cence ni zontâ ni staronzâ"

gjavât fûr di "Pre Pitin" di Antoni Beline

staronzâ v.tr.
(sta-ron-zâ)

Fâ che alc al somei plui complet, plui impuartant, plui interessant zontant alc (fig.)

sinonims

sglonfâ

esemplis

"ce costial a dî lis robis te lôr vere misure e realtât? Lassait ai sfueis il vizi di staronzâlis , di sglonfâlis, di fâur la pinie e l'ôr da pît o, salacor, di inventâlis di plante fûr"

gjavât fûr di "Lis predicjis dal muini" di Josef Marchet

"i bêçs a staronzin la felicitât ancje se no le rezin dal dut"

gjavât fûr di "Cjase di Dalban" di Maria Forte

monolengâl