Taiâ alc tor ator, par dâi une forme taronde o plui o mancui taronde
sinonimi
tarondâ
esempi
"mestri Checo al ripià il stranset e al finì di staronzâ lis suelis di un pâr di scarpis, sueladis aromai pe tierce volte e, ogni volte, fruiadis fin sul vuardul"
da "Cretevierte" di Roberto Ongaro
staronzâv.tr. (sta-ron-zâ)
Fâ taronde une cifre o une cuantitât par difiet
esempi
"al è un an che no mi paie e ancjimò al intint di staronzâ il cont"
da "Il Nuovo Pirona" di Giulio Andrea Pirona, Ercole Carletti, Giovanni Battista Corgnali
staronzâv.tr. (sta-ron-zâ)
Fâ che alc, ancje imateriâl, al sedi plui piçul, plui curt, plui bas, plui limitât e v.i. (fig.)
"chel fregul di indipendence e di decentrament che al è restât tal ordenament regjonâl preparât de Comission plenarie al vignarà ancjemò staronzât e ridusût e, par ben che e vadi, e saltarà fûr une pape di lin, cence savôr e cence risultâts"
da "80 discors" di Josef Marchet
"alc lu ai savût di altris e lu vent daûr che lu ai comprât, cence ni zontâ ni staronzâ"
da "Pre Pitin" di Antoni Beline
staronzâv.tr. (sta-ron-zâ)
Fâ che alc al somei plui complet, plui impuartant, plui interessant zontant alc (fig.)
"ce costial a dî lis robis te lôr vere misure e realtât? Lassait ai sfueis il vizi di staronzâlis , di sglonfâlis, di fâur la pinie e l'ôr da pît o, salacor, di inventâlis di plante fûr"
da "Lis predicjis dal muini" di Josef Marchet
"i bêçs a staronzin la felicitât ancje se no le rezin dal dut"