SuperDizionari

statâl adi.
(sta-tâl)

Dal stât tant che istituzion politiche

esempi

"il marxisim, che al veve afidât la dissoluzion dal stât ae lote di classe, al à vût tant che risultât un rinfuarciment dal aparât statâl"

da "La invenzion dal stât" di Fabian Ros

"lis nazionalitâts proibidis, lis comunitâts storichis ven a stâi che, cundut che a àn carateristichis nazionâls propriis, no son rivadis a dâsi une configurazion statâl"

da "Memoriis di politiche linguistiche" di Adrian Cescje

statâl adi., s.m.
(sta-tâl)

Che, cui che al lavore tant che dipendent dal stât

esempi

"no tu âs la tessare dal Partît Nazionâl Fassist? Se tu sês un statâl tu pierdis il puest"

da "Cuintristorie dal Nûfcent 1920-1930" di Angelo Floramo

"[un acuardi sindicâl] al garantìs un premi di doi mil francs in dì a chei statâi che a cjaparan l'orari sul seri"

da "Doi mil francs di puntualitât" di Riedo Pup

statâl adi., s.f.
(sta-tâl)

Strade di trafic impuartant che e je sot de jurisdizion dal stât

esempi

"la sirene si le sint a clâr: no cor vie pe statâl, par lâ bande l'ospedâl: e ven in paîs"

da "Cuant che l'Istât al finìs - Ogni etât la sô maravee" di Gianluca Franco

"il stradon di campagne che al menave su la statâl al jere scjavaçât, a un ciert pont, di un fossalat"

da "Il sium di Lissandri" di Franca Mainardis

monolingue