SuperDizionari

stele s.f.
(ste-le)

Cuarp celest che al mande lûs proprie

esempi

"dome par rivâ tal sisteme di Alpha Centauri (la stele plui dongje dopo dal Soreli) a volaressin 500 mil agns"

da "Spazio 1999" di Checo Tam

"il cîl al jere biel net, e i someà che lis stelis a fossin plui grandis che mai"

da "I prâts des Savodagnis" di Agnul di Spere

"a racuei ti voi lis stelis / tal grant prât dal firmament; / jempli il zei cu lis plui bielis / e po torni dal moment"

da "Serenade" di Emilio Nardini

stele s.f.
(ste-le)

Cualsisei figure o robe che e vedi une forme a pontis, che pal solit si pues inscrivi tun cercli

esempi

"une dì di chês fredis, di chês cu la glace che e fâs lis stelis sui veris"

da "Cretevierte" di Roberto Ongaro

"un cjaruç di olm fis, verdulin di colôr, che al fumave la beche cun dôs ruedis ben cercladis, i muiûi cu la stele dai rais lavorâts"

da "Il cjaruç dai Bas" di Dino Virgili

stele s.f.
(ste-le)

Magle taronde blancje tal cerneli di un cjaval o di une vacje o sim.

stele s.f.
(ste-le)

Simbul che al marche la categorie di ristorants e albiercs intune scjale di un a cinc

esempi

"[un turist contemporani tipic] al sielç un timp di permanence plui alt de medie (une setemane), ma al cîr la cualitât, selezionant struturis pal plui a 4 stelis"

da "La odissee di un potenziâl turist interessât al Friûl multiculturâl" di Roberto Pensa

stele s.f.
(ste-le)

Ancje tant che entitât sorenaturâl che e pues decidi il destin o judâ (fig.)

esempi

"«Tu, fantacina, che a ti dein ben li steli!» «Encja a vô, sior.»"

da "Il maestri di teraçs" di Novella Cantarutti

stele s.f.
(ste-le)

Sorenon di afiet doprâts cu la persone che si vuelii ben, cui fîs, cui animâi e v.i. (fam.)

sinonimi

anime, stelute, vite, cûr, curisin, curon, lûs, biel, stelon, stelone

esempi

"je passade la mê stele: / mandi, mandi, la mê biele"

da "Sacheburache" di Zuan Nazzi Matalon, Ottorino Burelli

"par me tu sês un tocut di stele, un suspîr di amôr, une robe dolce che e rive fin insom"

da "Chê dì che al neveà a Vignesie" di Agnul di Spere

stele s.f.
(ste-le)

Personaç une vore cognossût, in particolâr tal mont dal spetacul

esempi

"il festival al à ospitât plui di 40 stelis cinematografichis che a vignivin di 11 diferents paîs asiatics"

da "Profii_festival" di Fabian Ros

monolingue