SuperDizionari

monolengâl

stentâ v.intr.
(sten-tâ)

Fâ alc cun fadie, cun dificoltât (ancje fig.)

sinonims

fâ fadie

esemplis

"so pari le cjalà un moment come se al stentàs a cognossile"

gjavât fûr di "Il testament" di Pieri Menis

"e stentave cul furlan, che in bocje sô al someave une lenghe oltrane"

gjavât fûr di "Trê feminis" di Gianni Gregoricchio

"la glesie e je piçule, che un cincuante di lôr a stentin a stâ dentri"

gjavât fûr di "Lis predicjis dal muini" di Josef Marchet

"i plaseve di stâ bessôl, distirât sot i cjariesârs a pensâ, a madressi une decision che e stentave a palesâsi"

gjavât fûr di "Par stradis lungjis" di Alan Brusini

stentâ v.intr.
(sten-tâ)

Frontâ fadiis, dificoltâts

sinonims

sfadiâ, strussiâ, scombati, lambicâ

esemplis

"si lavore, si procure, si stente e si fastidie par lôr - a disevin i vecjos - pai fruts"

gjavât fûr di "I furlans e i frutins" di Riedo Pup

detulis

"cuant che l'uciel al è fûr de scjaipule, si stente a cjapâlu"

"cuant che si po, no si stente"

"cui che al gjolt di zovin al stente di vieli"

"cui che al po nol stente"

"cui che al stente di zovin al gjolt di vieli"

"cui che nol po al stente simpri"

"cui che nol sparagne di zovin al stente di vieli"

"cui che nol stente al mangje il çuç e al lasse la polente"

"disordin in zoventût, stentâ in veglece"

"fraie di domenie, stentâ di lunis"

"il maridâ al è curt, il stentâ al è lunc"

"simpri al stente cui che no si contente"

torne sù