SuperDizionari

strac adi.

Di cdn. o di une sô part, che al à fat fadie fisiche o psichiche, che al à bisugne di polsâ

sinonims

acanât, canât, scanât

esemplis

""Lassimi in pâs, ti prei, vuê! Soi strac dal lavôr [...]""

gjavât fûr di "No je plui vive" di Dolfo Zorzut

"o soi vignût tart a durmî… o ai polsât pôc e o soi inmò strac"

gjavât fûr di "Un pugn di moscjis" di Pieri Somede dai Marcs

"il gno turni al è cuasi insom. O ai i voi stracs. O ai bisugne di discjoli un lamp la voglade"

gjavât fûr di "In vuaite" di Carli Pup

"chês vôs che in altris moments no le varessin disturbade, cumò, te mancjance di pâs, a deventavin prepotentis. A jerin gusielis pal sintiment strac"

gjavât fûr di "Cjase di Dalban" di Maria Forte

strac adi.

Di aspiet, mot, compuartament e v.i., che al pant mancjance di fuarce fisiche o mentâl

sinonims

basot, debil, flap, flevar, sbatût

esemplis

"su lis lôr musis patidis al comparive un rideç strac, ma gaiôs"

gjavât fûr di "Trê feminis" di Gianni Gregoricchio

"la sere Mirco al tornave dongje cu la muse strache e segnade"

gjavât fûr di "Par stradis lungjis" di Alan Brusini

strac adi.

Che nol è fresc, che al tache scuasi a lâ di mâl (fig.)

esemplis

""Gjovanin," i disè une dì un "mi pâr che al è strac chel pes li"."

gjavât fûr di "Bugadis" di Eddy Bortolussi

strac adi.

Di aghe o di aiar o sim., che al è fer, che nol è net o fresc (fig.)

esemplis

"un lunis di matine che tu cjaminis par Marcjât Vieri e che ti rive intor il tuf strac des andronis"

gjavât fûr di "Kebar krossè" di Stiefin Morat

"contentâsi a bevi la agha straca di una poça"

gjavât fûr di "Linda e il re" di Novella Cantarutti

strac adi.

Che al da une idee di passivitât, di mancjance di fuarce, di decjadence (fig.)

esemplis

"pardut si ingrumavin mutaris strachis di chê nêf ofegade"

gjavât fûr di "La tiere di Lansing" di Maria Forte

strac adi.

Cence creativitât, cence estri, cence azion (fig.)

sinonims

basot, debil, flap

esemplis

"in chê comedie dut al jere strac e lent: nol sucedeve pardabon nuie"

gjavât fûr di "Friûl e furlans te Histoire de ma vie di Giacomo Casanova" di Pierluigi Visintin

strac adi.

Di tiere, plante o ancje ativitât, che nol prodûs

esemplis

"tornâ a la culture dal ledan; par che la tiere arside, scunide, strache e sfigurade e torni a nudrîsi dai siei elements e a ripiâ la sô vigorie antighe e naturâl"

gjavât fûr di "I furlans e il ledan" di Riedo Pup

"butâ fûr vîts strachis incandidis"

gjavât fûr di "Sul agâr" di Pieri Menis

"un afâr strac"

monolengâl