Tu âs cirût la peraule
monolengâl
torne indaûr

monolengâl

straordenari adi.
(stra-or-de-na-ri)
Fûr dal ordenari, che nol è normâl, comun, usuâl e v.i.
sinonims
ecezionâl, fûr dal ordenari, insolit, strani, fûr dal solit, origjinâl, particolâr
esemplis
"Eliseo al jere simpri di bessôl di tant di chel timp che jessi li a gustâ cun lôr i pareve straordenari"
gjavât fûr di "Prime di sere" di Carlo Sgorlon
"il tinel, stanzie pardavêr straordenarie, considerant che li e jere ingrumade mobilie di ogni sorte e di ogni ete"
gjavât fûr di "Il sium di Lissandri" di Franca Mainardis
Viôt ancje: strasordenari, straordinari
straordenari adi.
(stra-or-de-na-ri)
Che al è speciâl par une cierte ocasion, che nol è previodût di un program normâl
sinonims
ecezionâl
esemplis
"dopomisdì, tor cuatri, prin dai zûcs e des cjochis, e sarà culì, par dute la parochie, une funzion straordenarie di preâ pal Pape"
gjavât fûr di "Lis predicjis dal muini" di Josef Marchet
"e van dal capostazion dal tram par viodi di une corse straordenarie a miezegnot"
gjavât fûr di "Amîs come prime" di Alan Brusini
straordenari adi.
(stra-or-de-na-ri)
Une vore biel, bon, brâf, impuartant, bondant e v.i.
sinonims
di no crodi, ecezionâl, famôs, fûr dal ordenâri, speciâl, maraveôs
esemplis
"chestis figurazions straordenariis e misteriosis a àn simpri lassât in cui che lis cjale une maravee plene di rispiet"
gjavât fûr di "I mosaics de basiliche di Aquilee" di Giovanni Battauz, Flavio Cossar, Renato Iacumin
"il teritori al ven consegnât al marchês Everart (867), che al fasarà dal contest furlan un centri straordenari di culture"
gjavât fûr di "Ri-cognossi la autonomie" di Angelo Floramo
"[il film Buris, libars di scugnî vignî] al à ancje un sucès di public straordenari"
gjavât fûr di "Il cine furlan" di Fabian Ros
straordenari s.m.
(stra-or-de-na-ri)
Dome sing., ce che nol jentre inte normalitât
esemplis
"denant di cheste aparizion che e veve dal straordenari, al restà par un moment di clap"
gjavât fûr di "Il lôf" di Fabian Ros
straordenari s.m., adi.
(stra-or-de-na-ri)
Ancje tal pl., prestazion lavorative fûr dal orari normâl
esemplis
"cui che nol vûl fâ i straordenaris al ven menaçât di licenziament"
gjavât fûr di "La emigrazion dal Friûl - Vignesie Julie te Belgjiche" di Francesco Micelli
"se un guvier [...] al controlàs lis diariis, lis trasfiertis, il lavôr ordenari e straordenari, il consum dal materiâl [...] dute la penisule e sarès sotsore"
gjavât fûr di "Il cancar" di Josef Marchet
torne sù