SuperDizionari

strent adi.

Tignût dentri di alc che al cjape, che al siere, che al limite, che al fasse e v.i.

esemplis

"cul cjâf strent jenfri lis mans, al stave pensant"

gjavât fûr di "La Madalene" di Zuan Lurinçon

"mi ven dongje ridint, lizere, il so pet strent tune cjamesute"

gjavât fûr di "I forescj" di Alan Brusini, Gian Paolo Linda

"al veve il braç dret fassât strent fin sul comedon"

gjavât fûr di "Tal ospedâl" di Amedeo Giacomini

strent adi.

Di vistiari, scarpe, manece o sim., che al sta dongje dal cuarp

esemplis

"al jere il timp che lis fantatis a ziravin cui bregons strents a lis cjavilis e la permanente tai cjavei"

gjavât fûr di "Cocteau Twins su Netun (ma no il planet)" di Checo Tam

strent adi.

Che al è metût o si met in mût di cjapâ pôc spazi, di stâ tacât di altris elements o di un limit

esemplis

"al tornà indaûr sul pat, strent tal cjanton, spaurît"

gjavât fûr di "Nadâl ancje par Gjelmin" di Pieri Menis

strent adi.

Pôc pront a spindi o ancje a prestâ o a dâ

sinonims

avâr, sierât, tirât

esemplis

"no stait a crodi che a sedin tant gjenerôs, a son strents pai altris, e larcs par lôr"

gjavât fûr di "Un pugn di moscjis" di Pieri Somede dai Marcs

"par dî la veretât cumò, in famee nol mancjave nuie, ma la misure e jere restade. A stavin strents tal spindi ancje cumò"

gjavât fûr di "La tiere di Lansing" di Maria Forte

strent adi.

Che nol lasse pôc margjin, pocje pussibilitât di contradizion, contestazion (fig.)

esemplis

"al scolte cuant che i si fevele e al argomente cun logjiche strente e convinzion"

gjavât fûr di "Memoriis di politiche linguistiche" di Adrian Cescje

"tignî sot control strent"

strent adi.

Di rapuart, relazion, parintât e v.i., dret, che al ten dongje

esemplis

"i lôr rapuarts [dai inglês] cui stâts dal Commonwealth [...] a son plui strents e plui impuartants che no i leams che a puedin vê cui popui di Europe"

gjavât fûr di "Federazion europee tra nazions o tra regjons?" di Josef Marchet

"o ai un leam strent cul Friûl"

gjavât fûr di "Interviste a Sandra Pizzolitto Pupatello" di Christian Romanin

strent adi.

Limitât tal spazi, spec. tal sens de largjece

sinonims

piçul

esemplis

"i flums imburîts e salvadis cul gravâr largjonon a ûs il Tiliment, o come chei strents e plens di aghe cuiete come la Livence"

gjavât fûr di "Il Friûl al è nassût cussì" di Josef Cjargnel

"a conosseva una par una li pieri dal cogalât e i scjalins, un larc e un strent, che a rivavin fin sul paoul di len"

gjavât fûr di "Il curtîf dai Cocs" di Novella Cantarutti

"a jerin cussì jentrâts intune des cjasis dal borc, cjase piçule e scure, cui barcons strents e sierâts cui gatars di fier"

gjavât fûr di "Grivôr" di Franca Mainardis

strent s.m.

Spazi piçul

esemplis

"a si invià da la banda di cjasa, tal strent da la cal"

gjavât fûr di "Al era un agnul" di Novella Cantarutti

strent s.m.

Pocje disponibilitât di risorsis (fig.)

esemplis

"scugnî someâlu [di jessi siôrs] par no sbassâ la famee. Piês che no vivi tal strent, cence la dibisugne di platâlu"

gjavât fûr di "Cjase di Dalban" di Maria Forte

strent av.

Cun fuarce, cun prese fuarte

sinonims

salt, fuart, a strent

esemplis

"la cjape strent strent pai braçs"

gjavât fûr di "La furlane" di Dolfo Zorzut

monolengâl