Tu âs cirût la peraule
monolengâl
torne indaûr

monolengâl

strenzisi v.pron.tr.
(stren-zi-si)
Strenzi une part di se stes, strenzi alc par se stes, tor di se stes o in maniere mutuâl e v.i.
sinonims
strenzi
esemplis
"al fermà il lavôr par vie che si jere strenzude la piel cul mani des fuarpiis"
gjavât fûr di "Prime di sere" di Carlo Sgorlon
"al tirà sù i bregons e daspò si strenzè la cengle intor i flancs"
gjavât fûr di "La cjase di Toni" di Tarcisio Venuti
"dôs mans gropolosis si strenzerin a fuart: afâr fat"
gjavât fûr di "La aghe da pît la cleve" di Dino Virgili
strenzisi v.pron.intr.
(stren-zi-si)
Deventâ mancul larc, plui piçul
esemplis
"si cjapave une scjalute cui scjalins larcs che si strenzevin simpri plui"
gjavât fûr di "La vuere sul Freikofel" di Pieri Menis
"«La strade e puartarà di cualchi bande» e diseve, «o cjatarai une cjase! Dal vêr che culì no je une cjase! » Invezit la stradele si strenzeve simpri plui"
gjavât fûr di "Come tai romançs" di Alan Brusini
"mi ven da ridi - al dîs Agnul - a sintî che une patrie si slargje o si strenç; une patrie no je une tiracje"
gjavât fûr di "I furlans e la patrie" di Riedo Pup
strenzisi v.pron.intr.
(stren-zi-si)
Fâsi sù tun vistît
esemplis
"si strenzè tal tabâr e al slungjà il pas"
gjavât fûr di "La aghe da pît la cleve" di Dino Virgili
strenzisi v.pron.intr.
(stren-zi-si)
Lâ une vore dongje
esemplis
"cuant che e stave murint, ducj si strenzerin intor dal so jet"
gjavât fûr di "Cjase di Dalban" di Maria Forte
"lis fantatis si strenzevin dongje dal zovin"
gjavât fûr di "Cjase Basse" di Dino Virgili
strenzisi v.pron.intr.
(stren-zi-si)
Sistemâsi par cjapâ mancul spazi e lassâ puest (ancje fig.)
esemplis
"Ulive e veve simpri chel brut naturâl di strenzisi dute tor di se, par incovâ mancul puest in cjase dai siôrs"
gjavât fûr di "La tiere di Lansing" di Maria Forte
"strenzisi, si sin avonde strenzûts; discomodâsi, si sin discomodâts fintremai che al jere pussibil"
gjavât fûr di "Iresponsabilitât" di Josef Marchet
strenzisi v.pron.intr.
(stren-zi-si)
Stratignîsi tal spindi (fig.)
esemplis
"al pareve che al ingrumàs i carantans, strenzintsi in dut, par meti a puest chê casope"
gjavât fûr di "La tiere di Lansing" di Maria Forte
"considerât che aromai no si veve nuie altri de bande, tocjave strenzisi, misurâsi tes compris, tai spas, tai vistîts"
gjavât fûr di "Culumiis" di Meni Ucel
strenzisi v.pron.intr.
(stren-zi-si)
[TS] (gastr.) Deventâ plui fis, plui penç
sinonims
infissîsi
esemplis
"si regole di sâl e di pevar blanc e si lasse lâ il timp di fâ “strenzi”"
gjavât fûr di "Lis rosis tal plat" di Margherita Timeus
torne sù