SuperDizionari

subite av.
(su-bi-te)

Di cumò o di un moment che si cjape di riferiment, dal prin moment

sinonims

a la biele prime, besclet, biel sclet, cumò, cumò cumò, dal imediât, dal moment, dibot, dibote, di fic, di fichet, di ficon, di presse, di prin intro, diret, diretîf, di strade, dit e fat, di tire, imbote, intun sclop, prest, sclet, svelt, tic e tac, daurman

esemplis

"disìnlu subite: nol è di crodi che, in dì di vuê, lis peraulis dai umign di guvier a sedin impegnativis"

gjavât fûr di "Ai beduins sì a noaltris no" di Josef Marchet

"e scjampe in cjase, i siere subite il bec a sô mari cuntun «Tu no stâ dî nuie» e si siere in cjamare"

gjavât fûr di "Faliscjis" di Cristina Noacco

Viôt ancje: subit

subite av.
(su-bi-te)

In pôc timp, dentri di pôc timp

sinonims

dal imediât, dal moment, daurman, a colp, intun lamp

esemplis

"la femine e ve un scjas, ma si ripià subite"

gjavât fûr di "Cretevierte" di Roberto Ongaro

"«Un moment», al rispuindeve Nibale sossedant, «vait voaltris, intant, che jo o rivi subite. Nol colarà mighe il mont!»"

gjavât fûr di "Orazions" di Meni Ucel

"o sin subite in Avost, e di chestis votazions che, secont la Cjarte Costituzionâl, a varessin di vignî dentri dal an, a Rome no si fevele ni pôc ni trop"

gjavât fûr di "Votazions regjonâls" di Josef Marchet

subite av.
(su-bi-te)

In prossimitât imediade ancje intal spazi o intun ordin logjic

sinonims

a pene, juste

esemplis

"si sintive a rivâ lis fantatis che a jerin subite daûr"

gjavât fûr di "Chei di Muraie" di Pieri Menis

"la famee e je la situazion plui impuartante dal aprendiment linguistic [...] e subite daspò e ven la scuele"

gjavât fûr di "Memoriis di politiche linguistiche" di Adrian Cescje

monolengâl