SuperDizionari

suspirâ v.intr.
(sus-pi-râ)

Mandâ fûr aiar respirant, cuntune cierte fuarce e ancje fasint sunsûr, soredut tant che espression di une emozion o di une sensazion

esemplis

"el muart su la bree e la femine li dongje a veglâlu vaìnt e suspirant"

gjavât fûr di "Ce che i tocje a chel che al ûl savê ce che al è dopo muarts" di Dolfo Zorzut

Viôt ancje: sospirâ

suspirâ v.tr.
(sus-pi-râ)

Dî fûr respirant fuart e cu la vôs che e pant une emozion o une sensazion

esemplis

""Signorut, ce cjalt!" e veve suspirât la fantate"

gjavât fûr di "Se tu âs un sac di picjâts" di Gianni Gregoricchio

suspirâ v.tr.
(sus-pi-râ)

Desiderâ a fuart, ancje patint

esemplis

"ricuarditi che tu mi âs promitût di scrivimi ogni dì. No stâ fâmi suspirâ lis tos letaris"

gjavât fûr di "A ogni cost" di Vittorio Vittorello

monolengâl