Tu âs cirût la peraule
monolengâl
torne indaûr

monolengâl

svuarbâ v.tr.
(svuar-bâ)
Fâ deventâ vuarp, gjavâ i voi o in ogni câs fâ che cdn. nol puedi plui viodi
esemplis
"bandonât di ducj e isolât intune conzure, lu faserin presonîr e lu svuarbarin devant dal re, a Verone. Infin, lu condanarin a jessi esiliât"
gjavât fûr di "Ansfrit" di Angelo Floramo
svuarbâ v.tr.
(svuar-bâ)
Impedî di resonâ, di viodi la realtât cun calme e ecuilibri (fig.)
sinonims
inceâ
esemplis
"se l'amôr pe nestre int no nus à svuarbâts, nus pararès che al sei une vore dificil clamâ poltrons i Furlans"
gjavât fûr di "Sflacjons e insolents" di Josef Marchet
svuarbâ v.tr.
(svuar-bâ)
Gjavâ lûs o spazi a un ambient, soredut taponant un barcon o une puarte (fig.)
esemplis
"cussì al è nassût il stanzein che al svuarbe inmò di plui la cjase viere"
gjavât fûr di "I arcs" di Maria Forte
svuarbâ v.tr.
(svuar-bâ)
[TS] (agr.) Gjavâ i voi o lis cecjis di une plante
esemplis
"svuarbâ une plante par che no cressi masse adalt"
gjavât fûr di "Il Nuovo Pirona" di Giulio Andrea Pirona, Ercole Carletti, Giovanni Battista Corgnali
svuarbâ v.tr.
(svuar-bâ)
Sodisfâ almancul un pôc une dibisugne (fig.)
sinonims
calmâ, imbroiâ
esemplis
"pal viaç al veve svuarbât un sium cuiet"
gjavât fûr di "La tiere di Lansing" di Maria Forte
"il popul al veve altri a ce pensâ: al veve il so dafâ a svuarbâ la fam e a gratâsi la pelagre"
gjavât fûr di "Int di masnade" di Alviero Negro
detulis
"l'aur al svuarbe la justizie"
"masse amôr ti svuarbe, masse dolôr ti cope"
torne sù