Hai cercato la parola
monolingue
Torna indietro

monolingue

svuarbâ v.tr.
(svuar-bâ)
Fâ deventâ vuarp, gjavâ i voi o in ogni câs fâ che cdn. nol puedi plui viodi
esempi
"bandonât di ducj e isolât intune conzure, lu faserin presonîr e lu svuarbarin devant dal re, a Verone. Infin, lu condanarin a jessi esiliât"
da "Ansfrit" di Angelo Floramo
svuarbâ v.tr.
(svuar-bâ)
Impedî di resonâ, di viodi la realtât cun calme e ecuilibri (fig.)
sinonimi
inceâ
esempi
"se l'amôr pe nestre int no nus à svuarbâts, nus pararès che al sei une vore dificil clamâ poltrons i Furlans"
da "Sflacjons e insolents" di Josef Marchet
svuarbâ v.tr.
(svuar-bâ)
Gjavâ lûs o spazi a un ambient, soredut taponant un barcon o une puarte (fig.)
esempi
"cussì al è nassût il stanzein che al svuarbe inmò di plui la cjase viere"
da "I arcs" di Maria Forte
svuarbâ v.tr.
(svuar-bâ)
[TS] (agr.) Gjavâ i voi o lis cecjis di une plante
esempi
"svuarbâ une plante par che no cressi masse adalt"
da "Il Nuovo Pirona" di Giulio Andrea Pirona, Ercole Carletti, Giovanni Battista Corgnali
svuarbâ v.tr.
(svuar-bâ)
Sodisfâ almancul un pôc une dibisugne (fig.)
sinonimi
calmâ, imbroiâ
esempi
"pal viaç al veve svuarbât un sium cuiet"
da "La tiere di Lansing" di Maria Forte
"il popul al veve altri a ce pensâ: al veve il so dafâ a svuarbâ la fam e a gratâsi la pelagre"
da "Int di masnade" di Alviero Negro
proverbi
"l'aur al svuarbe la justizie"
"masse amôr ti svuarbe, masse dolôr ti cope"
Torna in Cima