Tu âs cirût la peraule
monolengâl
torne indaûr

monolengâl

sâl s.m.
Sostance solide cristaline, componude di clorûr di sodi, che e da un dai savôrs fondamentâi
esemplis
"fâ la pastele par omelettes batint i ros dai ûfs cul sâl , la spongje tenare e zontant pôc par volte la farine e il lat fin a vê une paste mulisite"
gjavât fûr di "Jerbis salvadiis inte cusine furlane" di Giorgio Pascoli
"i fruts a rivavin cjantant imburîts, une bugade di aiar salin, che il sâl dal mâr lu vevin su la piel come une farine"
gjavât fûr di "Come tai romançs" di Alan Brusini
"masse sâl al fâs alçâ la pression e cressi il pericul di malatiis dal cûr e de circolazion"
gjavât fûr di "Mangje san 2" di Guglielmo Pitzalis
sâl s.m.
[TS] (chim.) Compuest che in forme tipiche al ven de reazion di un acit e di une base, pe sostituzion di un o plui jons idrogjen dal acit cun jons metalics o altris cations
sâl s.m.
[TS] (agr.) Acolt azotât
esemplis
"si bute une vore di sâi te sperance che e ledi in miôr; ma cussì la tiere si strache, no je plui fertile, e par che e resti fertile si butin simpri plui sâi intun circul viziôs cence fin"
gjavât fûr di "Ganzit: il furlan i ten plui ae sô cjase che al so ort" di Alessio Potocco
sâl s.m.
Spec. tal pl., preparât a base di sâi amoniacâi, cu la zonte di essencis di odôrs, doprât par fâ dâ di ca cui che i è vignût imbast
sâl s.m.
In paragons o metaforis par dî incisivitât, fuarce, caratar, identitât e v.i. (fig.)
esemplis
"il partît democristian [...] che al à juste dade une man a impastâ chê panadute cence sâl che e je la autonomie normâl"
gjavât fûr di "Di bessôi" di Josef Marchet
"al ven fûr il ricuart de nestre vite di prin, il nestri mût di sintî la vite, il nestri mût di vivi, il nestri mût di preâ. I paîs cul sâl di prin, cul savôr di prin"
gjavât fûr di "La vite di chest mont, cence un pôc di spirt, e devente brute e insopuartabile" di Francesc Placerean
sâl s.m.
Spirt inteligjent e inzegnôs (fig.)
esemplis
"e la brigade po restà di stuc, / ce invece di om sapient / e lu crodeve un cuc. / Ma in chel si jeve in pîts un comensâl / e al recite ste strofe che à del sâl "
gjavât fûr di "Il tratôr galantom" di Pieri Çorut
detulis
"a spandi sâl a vegnin disgraciis"
"amôr cence stime, pan cence sâl"
"cui che al è di sâl che nol ledi te ploie"
"femine cence gracie pôc e vâl tant che la mignestre cence sâl"
"il fen co al è bagnât al lasse il sâl tal prât"
"il sâl al cuince e al discuince"
"il sâl al sta ben in cusine come pardut"
"prin di cognossi ben un, bisugne mangjâ cun lui un stâr di sâl"
"prin di cognossi la int di cjase, bisugne mangjâ cun lôr un stâr di sâl"
"sore sâl nol è savôr, sore diu nol è signôr"
torne sù