SuperDizionari

monolengâl

sì av.

Tant che afermazion in rispueste a une domande o conferme di une afermazion

sinonims

dabon, dal sigûr, eh sì, juste, ma dabon sì, ma lafè sì, ma sì, ma sì lafè, pardabon, par sigûr, po sì, propit sì, pursì, sâr sì, sì gjo, sigûr, sigûr di sì, sì lafè, sì pardabon, sì po

esemplis

"«[...] Alore tu sês di Tresesin? » «Sì, di Tresesin». «Alore tu cognossis Nea, Tiero, Toni, Cide…» «Sììì», i dîs jo «cemût no, o sin amîs!»"

gjavât fûr di "I universitaris" di Alan Brusini

"«Che al sinti, lui, di Biliris; o ai savût che al è stât in Afriche». «Sì». «E che al è tornât di pôc». «Cuatri dîs». «Lui lu à cognossût il gno om». «Sì, jo»."

gjavât fûr di "Africhis" di Meni Ucel

sì av.

Par confermâ o rimarcâ une afermazion (enf.)

sinonims

dabon, dal sigûr, dal vêr, di sigûr, lafè, pardabon, pardavêr, par vêr, propit, propit sì, sigûr

esemplis

"cumò sì che o soi contente!"

gjavât fûr di "Un bosc cence colôrs" di Franca Mainardis

"il missêr di Gjovanin sì che al jere un brâf om"

gjavât fûr di "Par une lengate" di Pieri Somede dai Marcs

sì s.m.

Rispueste afermative

esemplis

"la domande e pareve fate par mût di dî tant che cui che al fevelave al jere sigûr di ricevi un sì"

gjavât fûr di "O sielç lis stelis" di Pieri Somede dai Marcs

detulis

"al vâl plui un no cun creance che no un sì vilan"

"al vâl plui un sì che no un ma lafè sì"

"dî di no e fâ di sì"

"il sì che o dîs vuê al à di valê ancje doman"

torne sù