SuperDizionari

tabele s.f.
(ta-be-le)

Spieli schematic, in gjenar dividût in colonis e caselis, che al permet di viodi e capî dâts, numars, informazions e v.i.

sinonimi

spieli

esempi

"chei che a àn sot i voi la tabele dal andament demografic di Udin [...] a puedin constatâ di bessôi che dal '73, a Udin, a son nassûts 1368 frutins"

da "Murî di fam cui camarins plens" di Riedo Pup

"te pagjine che e ven subit daûr di cheste chi, si cjate une tabele cui finanziaments dâts fûr de Regjon ai Ents descrits parsore tai ultins 5 agns"

da "Relazion dal Grup di lavôr “Planificazion linguistiche”" di Donato Toffoli

"te tabele chi parsore si pues confrontâ lis trê lenghis di une volte e il furlan di in dì di vuê"

da "Cualchi ipotesi sul furlan di prin di scrivilu" di Zorç Cadorin

tabele s.f.
(ta-be-le)

Placât, cartel o sim. ancje no dividût in caselis, doprât par avîs o indicazions o tant che insegne

esempi

"su la puarte la tabele e mancje di cualchi lampadine, ma si rive a lei "Al Cjaçadôr""

da "I forescj" di Alan Brusini, Gian Paolo Linda

"al jere un afâr dut regolâr, cun tant di permès e cun tant di tabele disore de buteghe"

da "Il lôf" di Fabian Ros

"une biele tabele cu la ponte voltade a tramontan e cu la scrite «Austria»"

da "No impaçâsi" di Riedo Pup

tabele s.f.
(ta-be-le)

La liste dai cjapitui o des diviersis parts o elements, cul lôr numar di pagjine, che si cjate in principi o in code di un libri, di un scrit e v.i.

tabele s.f.
(ta-be-le)

Liste, che e pues jessi ancje uficiâl e publicade, di personis o sogjets che a àn ciertis carateristischis, ciertis cualifichis, cierts dirits e v.i.

esempi

"passâ un esam di abilitazion par jentrâ intune tabele professionâl"

da "Memoriis di politiche linguistiche" di Adrian Cescje

tabele s.f.
(ta-be-le)

Piçul cuadri dât intun santuari par une gracie

sinonimi

taulete, tauline

tabele s.f.
(ta-be-le)

Serie dai prodots de moltiplicazion dai numars di 1 a 10 rapresentade intun scheme

sinonimi

tabeline

esempi

"imparâ la tabele dal 7"

monolingue