SuperDizionari

talpe s.f.
(tal-pe)

Estremitât de çate di un animâl o çate interie di un animâl

esemplis

"la bestie [la cjavale] e dave une rugnadute e cu la talpe denant e raspave su la pedrade fintremai che e bateve lusignis, come se e ves volût saludâlu"

gjavât fûr di "Il «trono» dal von" di Pieri Menis

"la sere un colomp al vignive gjavât de scjaipule, furnît de sô cjartute leade a une talpe, e po molât"

gjavât fûr di "Cjase di Dalban" di Maria Forte

talpe s.f.
(tal-pe)

Part inferiôr de gjambe dal animâl, dal zenoli in jù, spec. tant che robe di mangjâ

sinonims

pît, talpin

esemplis

"[il buteghîr] i zontave cualchi crodie di ardiel e di formadi, une talpe di purcit, robe vanzade, une mane par jê cun tante mularie"

gjavât fûr di "Come tai romançs" di Alan Brusini

"un côl di paste sute / gjalinis e cjapons, / cun dute la friture / di talpis, di durions"

gjavât fûr di "L'ingort" di Zaneto

talpe s.f.
(tal-pe)

Part di un mobil che e poie par tiere

sinonims

pît, gjambe

esemplis

"i gridiçs cun cuatri talpis a someavin a lis rêts dal jet e si poiavin un sore di chel altri, in tasse"

gjavât fûr di "I cavalîrs" di Gianni Sandri

talpe s.f.
(tal-pe)

Pît di persone, soredut grant (fam.)

sinonims

çafarot, fete, pidat, pidon, slepe, staife

esemplis

"intant che i cjantôrs a cjantavin chês messonis lungjis lungjis, lui al bateve la talpe"

gjavât fûr di "Pre Pitin" di Antoni Beline

"sul cjast us ai cjatadis, / puaris dalminis / di len e corean, / ancjemò cun cualchi stampe / di tiere e di ledan. / Par agns us àn dopradis talpis di contadin"

gjavât fûr di "Un pâr di dalminis" di Giovanni Pillinini

talpe s.f.
(tal-pe)

Segn lassât dal pît

sinonims

talpade, olme

esemplis

"no stâ a passâ là che al è a pene lavât che tu mi lassis dutis lis talpis"

talpe s.f.
(tal-pe)

Man di persone (fam.)

esemplis

"al cjapà in man la çate di Schumann Ermes e le scjassà in maniere sussultorie e cumiative. Po daspò al cjapà in man la talpe de siore Schumane, le scjassà antant"

gjavât fûr di "Eivissa mon amour" di Fabian Ros

talpe s.f.
(tal-pe)

Prestit o credit o acuist fat a credit, cence paiâ sul moment, o sume che e à ancjemò di jessi paiade o che e à di jessi tornade (fig.)

esemplis

""Pussibil! E cun chest truc volêso che tegni sù jo la talpe par voaltris in eterno? Almancul daitmi l'interès, se no il capitâl""

gjavât fûr di "Al marcjât di Vile" di Luigi Gortani

"invezit di paiâ, i disevin: «Un cuart a talpe , Dreute, ti pai doman»; e lui al notave"

gjavât fûr di "Alpin jo mame!" di Alan Brusini

monolengâl