SuperDizionari

tambûr s.m.
(tam-bûr)

Strument musicâl a percussion, fat di un cilindri vueit taponât parsore e parsot di dôs membranis

esemplis

"si sint passâ par strade une batulie di militârs a sun di tambûr"

gjavât fûr di "In cîl e je une stele!..." di Arturo Feruglio

"cetante int, madone! / ce vosâ, ce sunâ; / organets e trombetis, ce petâi / sui tambûrs, ce davoi!"

gjavât fûr di "Par vivi" di Emilio Nardini

tambûr s.m.
(tam-bûr)

Azion di propagande, aparât di propagande, persone che si plee ae propagande e che le slargje (fig.)

esemplis

"il Duce, diperdoni, no la à inventade [la "grande Italie imperiâl"], le à cjatade, le à doprade e le à slargjade midiant dal racli e dal tambûr"

gjavât fûr di "Pronostics" di Josef Marchet

tambûr s.m.
(tam-bûr)

[TS] (tecn.) In diviers mecanisims, toc di forme cilindriche

tambûr s.m.
(tam-bûr)

Panze (fig.)

esemplis

"cui pipe, cul jes fûr / a disvuedâ il tambûr"

gjavât fûr di "Gnocis furlanis" di Zaneto

tambûr s.m.
(tam-bûr)

Persone une vore pôc inteligjente (fig.)

sinonims

aloc, baban, balote, basoâl, barbezuan, batecul, batocj, biadin, biât, catùs, cocâl, coion, corli, cudumar, cretin, dordel, gnoc, gnogno, gnognul, gnotul, imbambinît, imbecîl, lodul, mamo, marlup, mauc, martuf, marzoc, mierli, mincjon, mone, monighe, pantalon, pote, râf, salam, semplon, socol, storcli, çus, totolò, trus, bacalà, sturnel, dordul, teto, tarlup, insemenît, incoionît, stupit

esemplis

"al veve dit a chel cjaviestri dal fi di Zuanut: «Tu sês un tambûr, come to pari.»"

gjavât fûr di "Il «comandatôr»" di Pieri Menis

monolengâl