Tu âs cirût la peraule
monolengâl
torne indaûr

monolengâl

telâr s.m.
(te-lâr)
Imprest o machine par tiessi
esemplis
"al sintive il trictrac dal telâr in vore, manovrât cui pîts de femine e il scori de navisele sui fîi tirâts de trame come une slavare fate cori su la glace"
gjavât fûr di "Chei di Muraie" di Pieri Menis
telâr s.m.
(te-lâr)
Struture, ancje fate di plui tocs zontâts tra di lôr, che e ten sù o che e je di impuartance centrâl rispiet a altris tocs dal sisteme
esemplis
"i plaseve cjalâle, i cerclis metûts gnûfs, lis gomis sutilis, il telâr vernisât turchin"
gjavât fûr di "Par stradis lungjis" di Alan Brusini
"i erin sul tet di un palaç, forsit il plui alt, de Cengle. Di lui al ere restât dome il telâr di ciment e cualchi toc di fiar inruzinît"
gjavât fûr di "Kebar krossè" di Stiefin Morat
telâr s.m.
(te-lâr)
Struture fisiche di cdn.
sinonims
complession, tai, tressadure, cuarp
esemplis
"chest frut al è sec ma al à un bon telâr"
gjavât fûr di "Il Nuovo Pirona" di Giulio Andrea Pirona, Ercole Carletti, Giovanni Battista Corgnali
"di gracie che i fos restât il flât di puartâ a cjase il so telâr smagrît"
gjavât fûr di "La tiere di Lansing" di Maria Forte
torne sù