Tu âs cirût la peraule
monolengâl
torne indaûr

monolengâl

teorie s.f.
(te-o-ri-e)
Esposizion astrate e sistematiche dai principis di un setôr dal savê, che e vûl interpretâ la realtât e in câs ancje indreçâ une linie di azion
esemplis
"schemis di contabilitât nazionâl che a vevin la fonde su la teorie macroeconomiche dal grant economist inglês John Maynard Keynes"
gjavât fûr di "Dal Prodot Interni Lort aes misuris dal benstâ" di Marzi Strassolt
"la fisiche cuantistiche e puartà a la teorie des parteselis e des interazions (o fuarcis) fondamentâls, ven a stâi a la Teorie Cuantistiche dai Cjamps"
gjavât fûr di "Teologjie algjebriche" di Sergio Cecotti
"in Friûl la çampe marxiste [...] e ignorave, come che no fos mai esistude, la teorie leniniste su la cuistion des nazionalitâts"
gjavât fûr di "Memoriis di politiche linguistiche" di Adrian Cescje
teorie s.f.
(te-o-ri-e)
Complès di regulis astratis
esemplis
"no si impare a lâ in biciclete studiant la teorie, ancje se a insegnâle al fos Einstein in persone"
gjavât fûr di "Il cjâf dai furlans" di Franc Fari
teorie s.f.
(te-o-ri-e)
Il pinsîr a pet de azion, de pratiche, de emotivitât e v.i.
esemplis
"un om plen di principis e di teoriis e frêt come il nâs dal cjan"
gjavât fûr di "Pre Pitin" di Antoni Beline
teorie s.f.
(te-o-ri-e)
Mût di pensâ
sinonims
concezion, filosofie, idee
esemplis
"Gjovanin Bondance al leve a vendi bagjigjis cul zei. La sô teorie e jere che tal spaç al sta il vuadagn. E par bati la concorence, al vendeve i bagjigjis sot cost"
gjavât fûr di "Amîs come prime" di Alan Brusini
teorie s.f.
(te-o-ri-e)
[TS] (stor.) Inte Grecie antighe, delegazion mandade di une citât aes cerimoniis religjosis, ai zûcs, e sim.
teorie s.f.
(te-o-ri-e)
[TS] (art) Rapresentazion di plui figuris in serie
esemplis
"inte abside si puedin viodi la Crucifission e la Teorie dai dodis Apuestui"
gjavât fûr di "Glesie di Sant Stiefin in Clame" di AAVV
teorie s.f.
(te-o-ri-e)
Sucession di elements, fats, robis e v.i. (fig.)
esemplis
"la Vie e passave traviers une lungje teorie di segns di tripudi che a manifestavin la gjonde dionisiache di sucès e vitoriis concuistadis"
gjavât fûr di "Viaç aes origjins dal Logos" di Adrian Cescje
torne sù