SuperDizionari

torne indaûr

monolengâl

test s.m.

Complès des peraulis di un scrit o di un discors

esemplis

"i materiâi didatics pes scuelis a tegnin dentri il spartît [...] e [...] il test de cjançon"

gjavât fûr di "La storie dal Friûl intun rap creazion artistiche di Dj Tubet" di Arlef

"o ai preparât il test de propueste di leç di presentâ ai cjâfs di grup politics de Regjon e al president Blasut"

gjavât fûr di "Memoriis di politiche linguistiche" di Adrian Cescje

test s.m.

Intun scrit, spec. intun libri, part origjinâl dividude di ce che al ven zontât tant che notis o coment

esemplis

"o vin metût di bande il coment di altris sutilecis lessicâls intal lavôr di traduzion par furlan, sparniçadis ca e là intal test"

gjavât fûr di "L'articul di Einstein dal 1905 sul efiet fotoeletric. Un lavôr plurilengâl voltât in lenghe furlane" di Lorenzo Marcolini

test s.m.

Opare scrite in gjenerâl, e in particolâr se e je calcolade impuartante par cualchi aspiet di contignût o di testemoneance storiche

sinonims

scrit, opare

esemplis

"la tipografie di Sant Lazar, uniche in Europe, e stampave i tescj liturgjics e lis stampis di devozion par ducj i munistîrs dal Medi Orient cristian"

gjavât fûr di "Friûl e furlans te Histoire de ma vie di Giacomo Casanova" di Pierluigi Visintin

"la Divine Comedie di Dante Alighieri e je dal sigûr un dai tescj plui impegnatîfs che un tradutôr leterari al puedi pensâ di frontâ"

gjavât fûr di "Note dal curadôr ae traduzion dal Infier di Dante" di Sandri Carrozzo

test s.m.

[TS] (ling.) Enunziât complès scrit o fevelât che al à une sô unitât morfosintatiche, stilistiche e di significât

test s.m.

[TS] (filol.) Opare scrite, cemût che e risulte de sô trasmission

esemplis

"inta chest spieli o pant lis variantis là che il test al è diviers da la redazion A"

gjavât fûr di "Doi autografs di Toni Broili framieç dai manuscrits furlans di Berlin conservâts a Cracovie" di Zorç Cadorin

test s.m.

[FO] (dir.) At scrit personâl li che cdn. al dispon dal so patrimoni dopo de muart

sinonims

testament

esemplis

"dopo di vê scrite su la cjarte bolade la volontât dal testadôr, il nodâr, tirât dongje dal jet, al scomence a lei il test"

gjavât fûr di "Dure leç" di Pieri Somede dai Marcs

"tal doman a buinore, viert il test, tra tancj nevôts, a 'Sefon i jere tocjade juste une cjiche di bêçs"

gjavât fûr di "Amîs come prime" di Alan Brusini

detulis

"il test di Bertolt nol fale mai: cuant che al plûf lui al rît e cuant che al è soreli al vai"

"l'om si lu cognòs in trê robis: tal zûc, tal matrimoni, tal test"

torne sù