SuperDizionari

testemoneance s.f.
(tes-te-mo-ne-an-ce)

[FO] (dir.) Declarazion di un testemoni denant di un judiç

sinonims

deposizion, prove

esemplis

"doi mûi [...] a tirin il pît. Pe strache, pal cjalt o di vecjaie, cui sa! Lis interogazions, lis testemoneancis, i verbâi, lis cjartis che a son stadis fatis sot la tende dal comant!"

gjavât fûr di "La cartuline" di Alan Brusini

""Nol volarà tignî cont de testemoneance di un vilan di chel gjenar, siôr comissari?""

gjavât fûr di "Int di masnade" di Alviero Negro

Viôt ancje: testimoniance

testemoneance s.f.
(tes-te-mo-ne-an-ce)

Ce che, spec. in forme materiâl, al documente alc

sinonims

rest

esemplis

"a forin cjatadis testemoneancis langobardis a Rodean Alt, a Cicunins, a Sant Vît di Feagne"

gjavât fûr di "Une lance langobarde cjatade a Baracêt" di Lucio Perès

"o vin cirût, inte lenghe di in dì di vuê e tai tescj vieris, altris testemoneancis de declinazion di in chê volte"

gjavât fûr di "Cualchi ipotesi sul furlan di prin di scrivilu" di Zorç Cadorin

testemoneance s.f.
(tes-te-mo-ne-an-ce)

Dimostrazion, atestazion

sinonims

atestazion, dimostrazion, mostre, segn, segnâl

esemplis

"cuant che lui si met in zenoglons denant dal Altissim Sacrament e dal cuadri de Sacre Famee piturât di Martinis, o sint in chel at une testemoneance sincire di fede"

gjavât fûr di "Faliscjis" di Cristina Noacco

monolengâl