SuperDizionari

tiessût s.m.
(tie-ssût)

Materiâl formât di fîi incrosâts fis tra di lôr otignût lavorant cul telâr

esemplis

"i ai regalât un "segnelibri" di tiessût, che o vevi ricamât cuntune rose"

gjavât fûr di "La tovuaiute di Lubos" di Done Bete

"[il lin] e jere fibre vegjetâl, che e permeteve la produzion di tiessûts che a vevin un ûs complementâr a chel de lane"

gjavât fûr di "Liniis di storie sociâl e economiche dal Friûl 1500 – 1800" di Adrian Cescje

tiessût s.m.
(tie-ssût)

[TS] (biol.) Struture di celulis vegjetâls o animâls che a àn une funzion specifiche

esemplis

"sanc, muscui, tiessûts. Celulis e, plui indentri ancjemò, membranis, dna"

gjavât fûr di "B123ST" di Raffaele Serafini

"i endocanabinoits [...] a lavorin a nivel dal cerviel e de medole de schene, oltri che intai tiessûts, dulà che a ridusin la liberazion de istamine"

gjavât fûr di "Neurosiencis dal dolôr" di Franc Fari

tiessût s.m.
(tie-ssût)

Complès di elements fis (fig.)

sinonims

urdidure

esemplis

"il tintinâ mol e svariât dal rusignûl, intaiât tal tiessût scûr dal bosc"

gjavât fûr di "La tiere di Lansing" di Maria Forte

monolengâl