Tu âs cirût la peraule
monolengâl
torne indaûr

monolengâl

tiessi v.tr.
(tie-ssi)
Incrosâ cul telâr i fîi de trame e de urdidure par fâ une stofe, ancje ass.
sinonims
intiessi
esemplis
"siore Lise e nudrive un agnel blanc e un neri, e miscliçave la lane e le faseve tiessi dal Cjargnel e e someave propit saltade fûr de miôr buteghe di panine"
gjavât fûr di "Cjase di Dalban" di Maria Forte
"sô mari i veve za comprade la lane dal jet di matrimoni e al jere za mês che Betine i tiesseve i linzûi di cjanaipe"
gjavât fûr di "Sul agâr" di Pieri Menis
Viôt ancje: cjessi
tiessi v.tr.
(tie-ssi)
Formâ alc incrosant o ordenant plui elements
sinonims
intiessi
esemplis
"sentât dongje il fogolâr al lavore a tiessi un zei di vencs"
gjavât fûr di "Resurezion a Pontinie" di Pieri Somede dai Marcs
"ti batevin jù il paviment di arzile, o che tal tiessevin di modon, o di pedrât, o di piere"
gjavât fûr di "I furlans e il camarin" di Riedo Pup
tiessi v.tr.
(tie-ssi)
Preparâ cun ordin, ancje in maniere che altris no si visin (fig.)
sinonims
preparâ, parecjâ, prontâ, dâ dongje, imbastî, inmaneâ, filâ
esemplis
"simpri in rapine e a tiessi trainis e robariis"
gjavât fûr di "La caroce di aur di Sant Martin" di Josef Cjargnel
"la uce e sburtave a tiessi svindics cuintri dai siôrs"
gjavât fûr di "La aghe da pît la cleve" di Dino Virgili
tiessi v.tr.
(tie-ssi)
Realizâ alc che al compuarte un incrosâsi, un scambiâsi, un leâsi e v.i. (fig.)
sinonims
fâ, leâ, strenzi
esemplis
"sensibilizâ chel o chel altri politic locâl, tant di podê cui agns tiessi une rêt di relazions utilis par che si fasi un sfuarç coordenât"
gjavât fûr di "Memoriis di politiche linguistiche" di Adrian Cescje
detulis
"cuant che il ragn al ties la tele, la massarie e po metile a suiâ"
"parê e no jessi al è tant che filâ e no tiessi"
torne sù