SuperDizionari

tramontane s.f.
(tra-mon-ta-ne)

Pont cardinâl in oposizion al meridion, segnât de spere de bussule e che si pues individuâ cjalant lis stelis dal Cjar Piçul

sinonims

Nord, setentrion, miezegnot, tramontan

esemplis

"al veve plovût a selis dute la buinore, e nome viars misdì si jere salustrât a tramontane, che cumò si viodeve Morùs"

gjavât fûr di "Par stradis lungjis" di Alan Brusini

"al jere, tal mieç de plane furlane, passe vincj miis a tramontane [di Aquilee], un piçul cuel bessolin"

gjavât fûr di "Il cjistiel di Udin" di Josef Cjargnel

tramontane s.f.
(tra-mon-ta-ne)

Aiar che al sofle di Nord

sinonims

tramontan

esemplis

"al ploveve come che al plûf a Biliris tor Sants, e la tramontane e sivilave di tant in tant jù pe nape"

gjavât fûr di "La ombrene" di Meni Ucel

"la tramontane e sivile par jenfri dai pôi su la aghe"

gjavât fûr di "La aghe da pît la cleve" di Dino Virgili

tramontane s.f.
(tra-mon-ta-ne)

Pont sigûr di riferiment (fig.)

esemplis

"si son cjatâts scunîts e cence tramontane, come navigants che, salvâts di une nâf afondade, si cjatin par câs, nûts e crûts, suntune isule tal mieç dal mâr"

gjavât fûr di "Chei di Muraie" di Pieri Menis

monolengâl