SuperDizionari

monolengâl

tuart s.m.

Azion, peraule, mût di fâ che a ofindin o che a fasin dam a cdn., cuintri di ce che al è just o legjitim

sinonims

dituart, injustizie, ofese

esemplis

"nol podeve lassâ cori chês robis achì, lis injustiziis e i tuarts i fasevin dûl intal cûr"

gjavât fûr di "Il gno pipinot di nêf" di Stefano Lombardi

"i pareve di fâi un tuart, lant a fâ fraie intant che jê e pative pe sô disgracie"

gjavât fûr di "Il sium di Lissandri" di Franca Mainardis

tuart s.m.

Cundizion di cui o di ce che al è cuintri dal just, dal vêr o dal dirit

sinonims

fal, colpe

esemplis

"se o cjatassin dentri un sôl fregul di sostance positive, o saressin ancje bogn di ricrodisi e di ricognossi il nestri tuart"

gjavât fûr di "Ce che a vuelin" di Josef Marchet

"o soi bon di lâ, a muse vierte, a dî ce che al va ben e ce che al è just di dî…! Cheste int no je fregul in tuart, ancje se e à fate violence"

gjavât fûr di "Int di masnade" di Alviero Negro

detulis

"al zighe plui fuart cui che al à tuart"

"cui che al à reson al à pôre, cui che al à tuart al spere"

"cui che al à tuart al zighe plui fuart"

"cui che al piert al à simpri tuart"

"cui che al scolte nol à mai tuart, cui che al fevele al po simpri falâ"

"il tuart nol è mai dut di une bande"

"ni par tuart ni par reson no stâ lassâti meti in preson"

"par tuart o par reson al è simpri mâl lâ in preson"

torne sù