Tu âs cirût la peraule
monolengâl
torne indaûr

monolengâl

ulîf s.m.
(u-lîf)
Plante simpriverde tipiche de zone mediteranie, lat. sient. Olea europaea
sinonims
ulivâr
esemplis
"in ciertis zonis de nestre regjon o rivìn a vê un clime cussì particolâr che ancje l' ulîf al rive a cressi ben e a produsi vueli une vore bon"
gjavât fûr di "Il vueli dal Friûl" di Cinzia Collini
"tal ort vin ancje l' ulîf, cjalait mo"
gjavât fûr di "Resurezion a Pontinie" di Pieri Somede dai Marcs
ulîf s.m.
(u-lîf)
Ramaçut di chê plante, simbul di pâs, di venerazion, adorazion, preiere, doprât in plui ritualitâts
esemplis
"sô agne sul pedrât ju spietave brusant ulîf e disint a ogni lamp, cussì segnantsi: "Sant Simon vuardaitnus di fûc e di ton, ton e saete Diu nus vuardi e Sante Barbare benedete""
gjavât fûr di "Sul agâr" di Pieri Menis
"il patriarcje al tocjà l' ulîf te tace e al benedì il çoc e ducj si segnarin e po lui al jessè tal curtîl e Guri di ca, Minut di là e Rosute cun Loris pe man, jù pal troi dal Masarêt a benedî lis campagnis cu la spergje di ulîf e l'incens"
gjavât fûr di "La aghe da pît la cleve" di Dino Virgili
ulîf adi.
(u-lîf)
In determinazions temporâls, che a àn a ce fâ cu la ritualitât di Pasche, in particolâr in riferiment ae domenie e ae setemane prime di Pasche
esemplis
"la domenie ulive, si puartave l'ulîf a benedî, si partive a buinoris"
gjavât fûr di "Sul florî" di AAVV
detulis
"Pasche di ulîf si jes fûr dal nît"
"ulîf bagnât, ûfs suts; ulîf sut, ûfs bagnâts"
torne sù