SuperDizionari

monolingue

umil adi., s.m.
(u-mil)

Che, cui che al è di classe sociâl basse, puar, o che al è tun scjalin bas di une jerarchie

sinonimi

bas, misar, puar

esempi

"di ducj – dal Princip arcivescul a la alte nobiltât, a la borghesie fintremai a lis classis plui umilis [...] – il furlan al jere doprât e fevelât"

da "Identitât plurâl tal Friûl di Jevât" di Carlo del Torre

umil adi., s.m.
(u-mil)

Che, cui che al acete cence ambizion la sô cundizion, considerade par cualchi aspiet misare o imperfete, ancje dome pal fat di jessi umane

esempi

"savint che al jere un predi sclet e umil, a vevin tante fede in lui e lu clamavin ancje a benedî"

da "Pre Pitin" di Antoni Beline

umil adi.
(u-mil)

Che al à o che al mostre une cundizion o une ande di sumission o di rivuart

esempi

"siôr Tite, che al jere sì, stât simpri bon cun lui, ma cence mai dismontâ dal alt dal so cjadreon e cun chê autoritât che no amet confidencis, cumò al jere deventât tant umil e servîl"

da "Il muc" di Roberto Ongaro

"jo rispundei cun bassa e umil vôs: / "Anima mê jo no vi vuei fâ tuart [...]""

da "Câs amorôs" di Eusebi Stele

proverbi

"l'agnel umil al tete dôs maris, chel sofistic nancje la sô"

Torna in Cima