Tu âs cirût la peraule
monolengâl
torne indaûr

monolengâl

union s.f.
(u-ni-on)
L'unî, l'unîsi, il jessi unît
sinonims
cumbinazion
esemplis
"il cordo [des cjampanis] si smole a larc, potent, armoniôs intun sunâ gjenerôs di fieste: la elasticitât des gjambis, la fuarce dai muscui dai braçs, la union dal pinsîr e de volontât a son dutun"
gjavât fûr di "L'ultin cordo" di Pieri Somede dai Marcs
"Gargagnà Disore [...] in union cun Gargagnà Disot, cun Lupignan e cualchi altri cjasâl plui minût, a formin il Comun di Scufons"
gjavât fûr di "Lis predicjis dal muini" di Josef Marchet
union s.f.
(u-ni-on)
Rapuart tra personis, leam di colaborazion, di afiet, di amicizie o di amôr (fig.)
sinonims
leam, relazion, peam
esemplis
"la famee e je la prime forme di union antropologjiche e sociâl"
gjavât fûr di "La invenzion dal stât" di Fabian Ros
"no mi sint ancjemò pronte par frontâ l'esam dai agns de mê union cun Silvio"
gjavât fûr di "Trê feminis" di Gianni Gregoricchio
union s.f.
(u-ni-on)
Socie di int che e à i stes interès, ancje cun iniz. maiusc. in denominazions formâls
sinonims
associazion, clape, socie, societât
esemplis
"Agnul di Spere al à rezude la incarghe di president de Union dai scritôrs par dibot vincj agns"
gjavât fûr di "La olme di un grant furlan" di Erika Adami
detulis
"la union e fâs la fuarce"
torne sù