SuperDizionari

univiers s.m.
(u-ni-viers)

Ancje cun iniz. maiusc., complès di dutis lis robis che a son in nature e il spazi che lis ten e indulà che si manifestin ducj i fenomens naturâi, ancje cun riferiment particolâr ai cuarps celescj e ai fenomens astronomics

esempi

"ce biel che al è il mont! … Biel par ducj: umign, bestiis e plantis! … E dut al vîf ben te sô forme juste; content di sei come che al è… O sin ognun une part di dut chest grant Univiers"

da "La tiere di Lansing" di Maria Forte

"l'esperiment nus mostre che, ore di cumò, l'univiers al è in espansion, lis distancis jenfri lis galassiis a incressin"

da "Teologjie algjebriche" di Sergio Cecotti

univiers s.m.
(u-ni-viers)

Complès di elements, percezions, concezions, riferiments e v.i. tipics di une persone, di une comunitat, di une ete e v.i.

sinonimi

mont

esempi

"une fine ilustrazion, traviers la vôs dal protagonist, dal univiers contadin di une volte"

da "Dut su la mostre dal cine" di Fabian Ros

univiers s.m.
(u-ni-viers)

[TS] (stat.) Complès dai elements singui che a formin il totâl che si cîr di descrivi o il totâl li che si met in vore une leç statistiche

esempi

"l'univiers di riferiment al jere chel dai abitants de aree furlanofone determinade tal 1977-'78"

da "La cundizion sociolinguistiche dal furlan" di Linda Picco

monolingue