SuperDizionari

vê daûr loc.v.

Vê cdn. o alc de bande de schene, che al ven daûr

esemplis

""Cuant che o mûr, no vuei vê daûr predis neris come corvats, dome bandieris rossis e musiche di bande...""

gjavât fûr di "Di là de rêt" di Jolanda Mazzon

vê daûr loc.v.

Vê alc o cdn. cun se

esemplis

"i faseve dûl par vie di chê sô sudizion che, tantis voltis, i copave lis peraulis in bocje. Cussì al sopuartave di vêlu daûr"

gjavât fûr di "Îr e doman" di Gianni Gregoricchio

vê daûr loc.v.

Podê fâ stât su cdn. o su alc

esemplis

""De sô femine sì, si po infidâsi… che e à daûr di se chês di Aonedis… E jo o ai procure di chei dal Ciman…""

gjavât fûr di "Int di masnade" di Alviero Negro

"nol è un câs che al sedi cui che al sosten che «une lenghe e je un dialet che al à daûr un esercit»"

gjavât fûr di "Minorancis linguistichis" di Marc Stolf

vê daûr loc.v.

Vê tant che responsabil o tant che motîf platât o profont

esemplis

"cui vêso daûr? Cui us paie?"

gjavât fûr di "Felix Marchi e il sium dal furlan-furlan" di Max Mauro

"il terorisim basc al à daûr resons politichis e sociâls complessis"

gjavât fûr di "Il probleme dal terorisim" di William Cisilino

monolengâl