Tu âs cirût la peraule
monolengâl
torne indaûr

monolengâl

vacance s.f.
(va-can-ce)
Il no lavorâ par une zornade o plui dispès par plui zornadis, ancje mantignint la paie a norme di contrat
sinonims
feriis
esemplis
"o lavori tantononon, no ai vite sociâl e ogni tant o ai propit bisugne di stacâ la spine. Alore o rivi a cjolimi un o doi mês di vacance"
gjavât fûr di "Pellizzari, jene furlane" di Alberto Zeppieri
vacance s.f.
(va-can-ce)
Permanence par plui dîs intun puest diferent di cjase cuant che no si à di lavorâ, polsant o fasint ativitâts di divertiment
sinonims
feriis
esemplis
"la vacance in campagne e jere une manie dai Venezians, che a fossin siôrs o puar, patrizis o int dal popul"
gjavât fûr di "Friûl e furlans te Histoire de ma vie di Giacomo Casanova" di Pierluigi Visintin
"sul puest di vore la int che e va in vacance a lis Canariis o a Djerba mi cjale come se o fos un marzian cuant che i dîs che o voi alì"
gjavât fûr di "La maree nere" di Checo Tam
vacance s.f.
(va-can-ce)
Mancjance temporanie di un titulâr, responsabil, sorestant e v.i.
sinonims
assence, mancjance
esemplis
"la lungje vacance di podês politics stabii e struturâts daspò de sdrumade dal Imperi Roman di Ocident lu veve usât a une autonomie sù par jù incontrastade"
gjavât fûr di "Viaç aes origjins dal Logos" di Adrian Cescje
torne sù