SuperDizionari

monolengâl

vanzâ v.intr.
(van-zâ)

No jessi ancjemò stât doprât, mangjât, bevût, vendût, finît e v.i., jessi ancjemò, rispiet a alc che nol è plui o che nol è plui disponibil

sinonims

restâ

esemplis

"vie pe gnot, salacor cualchidun al vignive abàs in cjamese, discolç, a passisi di polente sute se ‘ndi vanzave sul taulîr"

gjavât fûr di "La aghe da pît la cleve" di Dino Virgili

"al voleve dome imagjinâ chel altri toc de sô vite che a i vanzave di vivi, e lu voleve imagjinâ seren"

gjavât fûr di "Il sium di Lissandri" di Franca Mainardis

Viôt ancje: avanzâ

vanzâ v.tr.
(van-zâ)

Rivâ a vê tant che vuadagn o tant che sparagn

sinonims

vuadagnâ, cjapâ

esemplis

"cumò a jerin plui i dîs che al vanzave alc, di chei che par mangjâ al scugnive meti man a chel pôc che i restave"

gjavât fûr di "Prime di sere" di Carlo Sgorlon

"al veve mancul fit di paiâ e al rivave simpri a vanzâ cualchi franc tal tacuin; e ju meteve in bande tant che relicuiis"

gjavât fûr di "I furlans e i bêçs" di Riedo Pup

vanzâ v.tr.
(van-zâ)

Vê un credit (ancje ass.)

sinonims

vê di vê

esemplis

"e veve sintût dispès che i ostîrs a vanzavin di lui, ma mai che Kikuyu al ves di vê alc di cualchidun"

gjavât fûr di "Il timp par ledrôs" di Mario De Apollonia

vanzâ v.tr.
(van-zâ)

Lâ devant o parsore o prime o miôr rispiet a alc altri (ancje fig.)

sinonims

passâ, superâ, prevanzâ

esemplis

"un cjant che al vanzave ogni altre vôs"

gjavât fûr di "La tiere di Lansing" di Maria Forte

"mi à vanzât di un cuart di ore tal rivâ a cjase"

gjavât fûr di "Il Nuovo Pirona" di Giulio Andrea Pirona, Ercole Carletti, Giovanni Battista Corgnali

detulis

"a fâi ben al mus, si vanze pêts e scalçs"

"a fâi ben al mus, si vanze scalçs"

"a fâi la barbe al mus, si vanze pêts e scalçs"

"a impaçâsi cun mus, si vanze pêts e scalçs"

"a sfreolâ mulets, si vanze scalçs e pêts"

"bisugne fâ la barbe prin par se e po, se al vanze timp, ancje a chei altris"

"cui che i fâs ben al mus al vanze lis balotis"

"cui che si cjale se stes no i vanze timp di cjalâ chei altris"

"dai semule al mus, tu vanzis scalçs"

"dut ce che al è di plui al vanze"

"fin che no 'nd vanze, no 'nd è abastance"

"il puar om nol à mai ben: se i mûr la vacje i vanze il fen, se la vacje e campe il fen i mancje"

"la robe e à di vanzâ par sei avonde"

"no je mai vanzade cjar in becjarie che par lire o prionte no si dedi vie"

"panze sclopâ ma robe no vanzâ"

"par che ind sedi avonde, bisugne che ind vanzi"

"se al à di vanzâ che e vanzi la jote"

"se tu ti cjalis te, no ti vanze timp di cjalâmi me"

torne sù