SuperDizionari

varietât s.f.
(va-ri-e-tât)

Presince e cuantitât di plui aspiets diferents tra di lôr

sinonims

diversitât, eterogjeneitât

esemplis

"lu mont è biel, avint par cui cu vûl / tante varietât in se sierade"

gjavât fûr di "In laude de lenghe furlane" di Jaroni Sini

"ca di nô e je une varietât di puescj e di ambients naturâi che a son ancjemò salvadis"

gjavât fûr di "Interviste cun Giorgio Cantoni" di Fabian Ros

"[jerbis e pomis] cu la lôr grande varietât di savôrs, a metin insiemi salût e sodisfazion"

gjavât fûr di "Mangje san 2" di Guglielmo Pitzalis

varietât s.f.
(va-ri-e-tât)

Singule categorie o forme di alc che e à carateristichis diviersis rispiets a altris dal stes gjenar

sinonims

sorte, cualitât

esemplis

"il diabete e je une malatie tant complesse e si presente in tantis varietâts: diabete di gjenar 1 (insuline-dipendent); diabete di gjenar 2 (no-insuline-dipendent); diabete vie pe gravidance; diabete par colpe des medisinis (tant che il cortison)"

gjavât fûr di "Scuvierzi il diabete" di Guglielmo Pitzalis

varietât s.f.
(va-ri-e-tât)

[TS] (bot.) Grup di individuis sot de sotspecie, cun carateristichis definidis ma cence valôr tassonomic

esemplis

"tai anuaris dal Comun di Udin, si cjate un document dal 1324 che al nomene lis varietâts di vît plui coltivadis"

gjavât fûr di "Storie curte de vît in Friûl" di Enrico Peterlunger

varietât s.f.
(va-ri-e-tât)

[TS] (ling.) Complès des realizazions di un sisteme linguistic che si diferenziin a confront di altris par gjeografie, par ûs sociâl, par testualitât

esemplis

"dâ lis indicazion pe scriture di cierts suns particolârs des varietâts"

gjavât fûr di "Memoriis di politiche linguistiche" di Adrian Cescje

"in Friûl a son presintis di plui secui almancul cuatri lenghis [...]: il furlan, il sloven, il todesc, il talian. Dutis chestis lenghis a son presintis vuê cun varietâts locâls e cu la varietât standard"

gjavât fûr di "Notis di politiche linguistiche par un Friûl diferent" di Sandri Carrozzo

varietât s.m.
(va-ri-e-tât)

Spetacul lizêr, ancje televisîf, cun balets, cjançons, senutis comichis o satirichis

monolengâl