SuperDizionari

monolengâl

ve av.

Par mostrâ, segnâ cdn. o alc o ancje une azion, un acjadiment e v.i., al pues vê pronons personâi in enclisi

esemplis

"«Se e je cussì», e dîs la Berte, «ve là che a son [i salams] su la stangje. Cjolêtsal»"

gjavât fûr di "Il salam" di Meni Ucel

""Lis robis e van di viole Carli… ve là che al ven il postin""

gjavât fûr di "A la oselade" di Pieri Somede dai Marcs

"si fâs scûr e si dai fûc [al pignarûl]. «Al cjape… » «Nol cjape…» «Spiete…» «Sta atent! » «Velu!»"

gjavât fûr di "Faliscjis" di Cristina Noacco

ve inter.

Ancje insiemi cun altris particulis, cun valôr rinfuarcitîf o enfatic

sinonims

cjo, mo, po

esemplis

""Alore us contarai. Jere une volte une frute. Disevin che sei stade une biele frute. More jere e veve sedis agn. De tô etât ve, fie""

gjavât fûr di "No je plui vive" di Dolfo Zorzut

"«No sai jo ve, cemût che o sin vîfs»"

gjavât fûr di "Come tai romançs" di Alan Brusini

detulis

"vuai se a scomencin a dî: velu, velu!"

torne sù