SuperDizionari

vecjo adi., s.m.
(ve-cjo)

Che, cui che al è ben indevant cu la etât, che al è te ultime fase de vite

sinonimi

anzian, intimpât, madûr, passadot, vieli

esempi

"i ricuardave simpri so nono, un vecjo alt e sec, dut blanc, legri e onest"

da "Sul agâr" di Pieri Menis

"cumò che o soi vecjo jo, a comandin i zovins"

da "Amîs come prime" di Alan Brusini

vecjo adi.
(ve-cjo)

Che al à une esperience lungje intun cjamp

sinonimi

espert, navigât, sfrancjât, vieli

esempi

"un scjap di uciei neris a traviersavin il cîl, svolant in rie come gruis o razis salvadiis, e Eliseo al si sintive resurî l'istint dal vecjo cjaçadôr"

da "Prime di sere" di Carlo Sgorlon

vecjo adi., s.m.
(ve-cjo)

Di alc, che al à tant timp, che al è stât fat tant timp prime

sinonimi

vieri

esempi

"tal borc di Ariul e je une vecje cjase, mieze brusade, che par antîc e jere preson"

da "Lis leiendis di Buie" di Pieri Menis

"dute la sô robe e jere vecje e fruiade, e cul netâle no tornave gnove di sigûr"

da "Prime di sere" di Carlo Sgorlon

"lis breis che a vevin odôr di vecjo"

da "Ombris" di Checo Tam

vecjo adi.
(ve-cjo)

Lassât a stagjonâ il so timp, o tant timp

sinonimi

invecjât, morestât, sesonât, stagjonât, vieri

esempi

"mangjâ fûr? No, al veve cuets i râfs, il muset e un bon formadi vecjo"

da "I forescj" di Alan Brusini, Gian Paolo Linda

"a si erin tacâts a li boti, a li veri di vin vecju platadi davour li scansiis ta la cantina"

da "Li clâfs" di Novella Cantarutti

"al jere sigûr il vin, chel vin vecjo, che i faseve viodi lis striis e zirâ la matricule…"

da "Doi pizighets e un lari" di Pieri Menis

vecjo adi.
(ve-cjo)

Che al jere in vore o doprât o in cjarie o che al veve une cierte cundizion tun passât plui o mancul lontan

esempi

"li de vecje dogane si cjatavin i zovins di Viscon, vistûts come i austriacs cuintri apont chei di Trivignan vistûts come i fants e i alpins talians"

da "I nemîs" di Checo Tam

"[i mucs] a rivavin cu la vecje prepotence e cu la gnove brame di tornâ parons"

da "Cjase di Dalban" di Maria Forte

"'Sefine inveze mi à dit che chel no lu cjolarà mai [...] e che spiete il so vecjo morôs da la Meriche"

da "A la oselade" di Pieri Somede dai Marcs

vecjo s.m.
(ve-cjo)

Ce che al esist za di timp

sinonimi

vieri

esempi

"e i mûrs: cemût fâ sù gnûf sul vecjo? Cemût plantâ fiers tai claps di Cuar? Miôr sdrumâ dut e fâ come che al va"

da "Il mâl dal mûr" di Lucio Perès

vecjo adi., s.m.
(ve-cjo)

Di ûs, idee, valôr e sim., che nol è plui considerât atuâl (spres.)

sinonimi

vieri, passât, lât in vieri

esempi

"la musiche rock e jere propite la miôr di dutis! Altri che il jazz e la musiche classiche, robe di cagons! Altri che il pop e il melodic o la musiche a vecjo vie!"

da "Joe Tex e Joe Cocker" di Checo Tam

vecjo s.m.
(ve-cjo)

Il pari o l'om plui indevant cui agns intune famee, o tal pl. il pari e la mari, soredut se a son o a jerin avonde indevant cui agns

sinonimi

vieli

esempi

""I parons nus àn dât la disdete, mio fradi condanât a la galere, i miei vecjos muarts di crepecûr, ipotecade dute la robe par lis spesis dal procès…""

da "Resurezion a Pontinie" di Pieri Somede dai Marcs

"Jolande le veve vendude [la cjase] subit dopo che i puars vecjos a jerin lâts"

da "Prime di sere" di Carlo Sgorlon

"i nevôts, dopo, a tignivin cont il vecjo come un dêt madûr, par no pierdi in famee, prime da la ore, chê sorte di paie li"

da "I furlans e la pension" di Riedo Pup

monolingue