Tu âs cirût la peraule
monolengâl
torne indaûr

monolengâl

veretât s.f.
(ve-re-tât)
Il jessi vêr, just, il corispuindi a ce che e je la realtât
sinonims
autenticitât, realtât
esemplis
"no intint rivendicâ nuie su la profonditât o la veretât des ecuazions midiesimis, ni su la serietât des lôr presumudis implicazions teologjichis"
gjavât fûr di "Teologjie algjebriche" di Sergio Cecotti
"[la matematiche] e je teorie dimostrative, che e trasmet la veretât dai assiomis ai teoremis, cu la fuarce de logjiche"
gjavât fûr di "Viaç aes origjins dal Logos" di Adrian Cescje
veretât s.f.
(ve-re-tât)
Ce che al esist, che al è vêr in assolût o in rapuart cun cierts fats
sinonims
reâl, vêr
esemplis
"i vêrs interès dal Friûl no àn impuartance pai nestris esponents dai partîts. Cheste e je la veretât"
gjavât fûr di "Cuarde e savon" di Josef Marchet
"il gjornâl lu leieve trê voltis, che no i someave vêr, po lu butave tal fûc come par scancelâ la veretât"
gjavât fûr di "Come tai romançs" di Alan Brusini
"i mucs a scrupulin za la veretât e si metin a cirînus"
gjavât fûr di "Cjase di Dalban" di Maria Forte
veretât s.f.
(ve-re-tât)
Afermazion o cognossince che e corispuint a ce che al esist pardabon, a ce che al è sucedût pardabon e v.i.
esemplis
""No mi contais la veretât!" e i fasè cuintri al om"
gjavât fûr di "Trê feminis" di Gianni Gregoricchio
"cheste e je stade la uniche veretât che mi à dite in mieze ore di discors"
gjavât fûr di "Lis predicjis dal muini" di Josef Marchet
veretât s.f.
(ve-re-tât)
Il jessi sclet, il dî ce che al è vêr o ce che si pense o che si sa cence platâ
sinonims
scletece, sinceritât
esemplis
"ti fasin une ridade lôr se tu ur fevelis di veretât, di onestât"
gjavât fûr di "Vieri e gnûf" di Pieri Piçul
detulis
"a dî la veretât si laude diu"
"al bausâr no si po crodii nancje la veretât"
"cui che ti visite tes gnocis e no ta la infermitât nol è to amì par veretât"
"il cjoc al pant la veretât"
"il vin al dîs la veretât"
"il vin al fâs dî la veretât"
"la veretât a sta ben ancje in cjase dal diaul"
"la veretât e je une sole"
"la veretât no sta cuvierte"
"la veretât o di fieste o di dîs di vore tant che il vueli e ven parsore"
"la veretât o tart o a buinore e ven in lûs"
torne sù