Tu âs cirût la peraule
monolengâl
torne indaûr

monolengâl

veri s.m.
(ve-ri)
Materiâl dûr fat fondint savalon cun carbonâts e ossits, par solit trasparent e fragjil, doprât une vore par robis di ûs comun
esemplis
"a àn tirât vie une lastre di veri dal barcon"
gjavât fûr di "Neapolis" di Checo Tam
"il veri, come che o vin imparât al cjapitul 10, al è un solit amorf"
gjavât fûr di "Kebar krossè" di Stiefin Morat
Viôt ancje: vieri
veri s.m.
(ve-ri)
Robe fate di chel materiâl, soredut recipient di chel materiâl, ancje in riferiment al so contignût
esemplis
"la frute si jere imboreçade e e meteve lis manutis sul veri par cjapâlu e il pes, spaurît, al cirive di scjampâ e al bateve il music tal dûr"
gjavât fûr di "La tiere di Lansing" di Maria Forte
"te lôr glesie no si cjate nancje tant di passi une surîs; dome cuatri cjandelîrs, cualchi veri di rosis e cualchi crist"
gjavât fûr di "Lis predicjis dal muini" di Josef Marchet
"il talon si inçopedà suntune tace par tiere. Il veri al rodolà vie"
gjavât fûr di "La salamandrie tal fûc" di Carlo Tolazzi
"sot dal ultin cop dal colm, a inmurarin un veri di aghe sante cun ramutis di ulîf infûr"
gjavât fûr di "La aghe da pît la cleve" di Dino Virgili
veri s.m.
(ve-ri)
Lastre di chel materiâl doprade par barcons, puartis, cuadris e sim.
sinonims
lastre, lastron
esemplis
"daûr dal veri de vetrine al jere plen di fotografiis"
gjavât fûr di "Prime di sere" di Carlo Sgorlon
"come fûr de realtât, al cjalave il lagrimâ de ploie e lis cumieris stuartis des gotis sul veri"
gjavât fûr di "Sul agâr" di Pieri Menis
"o sai che ti plasin lis oris dolcis e celestis dal amont: [...] cu la citât insom che si impie di sflandôrs ros ribatûts tai veris"
gjavât fûr di "Letare di Avost" di Dino Virgili
veri s.m.
(ve-ri)
Toc rot di chel materiâl
esemplis
"ocjo che e je colade une butilie e par tiere al è plen di veris"
"si sentavin ator dal desc a rassâ cuntun veri un ritai di corean"
gjavât fûr di "La aghe da pît la cleve" di Dino Virgili
veri s.m.
(ve-ri)
In metaforis o comparazions, par dî alc che al à une carateristiche tipiche di chel materiâl, tant che il jessi slis, trasparent, fragjil (fig.)
esemplis
"mi visi a Nadâl, in chel an de glace. Al jere dut un veri fûr de puarte grande"
gjavât fûr di "Meni Elar" di Riedo Pup
"une man gropolose si jevà viers l'amont distudât e si intaià sul veri dal cîl"
gjavât fûr di "La aghe da pît la cleve" di Dino Virgili
"la zornade e jere clare come un veri"
gjavât fûr di "Il dolfin" di Carlo Sgorlon
"chel strenzimi disperât al fo la rivelazion definitive de sô debilece, de sô anime di veri, che si cricave par nuie"
gjavât fûr di "Il dolfin" di Carlo Sgorlon
detulis
"ancje i barcons a àn i veris"
"cui che al à il cjâf di veri che si vuardi des clapadis"
"cui che al è di veri che nol ledi fra lis clapadis"
"soreli di veri e aiar di fressure a menin l'om in sepulture"
torne sù