Hai cercato la parola
monolingue
Torna indietro

monolingue

viaç s.m.
(vi-aç)
Il lâ di un puest a di un altri, lontans tra di lôr
esempi
"dopo un viaç lunc che nol finive mai, la sere tart o sin rivâts a Bologne"
da "Sant Simon: 28 di Otubar 1917" di Pieri Somede dai Marcs
"dopo no sai cetantis setemanis di viaç, cuvierte di polvar e di plaiis, strache e sfinide, e à podût rivâ a Rome"
da "Lis leiendis di Buie" di Pieri Menis
viaç s.m.
(vi-aç)
Trate che si fâs di un puest a di un altri, spec. par puartâ alc o cdn.
sinonimi
corse
esempi
"«Doman si po menâ sù il fen dai Pascs, che al è pront. Si po fâ doi viaçs»"
da "I Catanas" di Meni Ucel
"«Se tu vûs il cjaruç… [par puartâ vie la robe]». «Cul cjaruç? O scugnarai fâ almancul trê viaçs…»"
da "Prime di sere" di Carlo Sgorlon
viaç s.m.
(vi-aç)
Volte, dade singule di une cualsisei azion
sinonimi
volte, pache, colp
esempi
"si cjatà plui di un viaç e di doi cence mangjâ"
da "Pre Pitin" di Antoni Beline
"la glesie furlane si è cjatade in armonie - cualchi viaç ancje masse - cul stât imperiâl"
da "Cuintristorie dal Friûl dal 1866 fint in dì di vuê" di Francesc Placerean
viaç s.m.
(vi-aç)
Percors fat cul pinsîr, cu la fantasie, cul studi e v.i.
esempi
"il prin pas di fâ tal nestri viaç tra tutele des minorancis, istituzions europeanis e procès di integrazion continentâl al è chel di frontâ propit chest gjenar di domandis"
da "Minorancis linguistichis" di Marc Stolf
"il lâ fûr di se stes (ek-stasis) al è, cuasi simpri, stât considerât come un viaç di cognossince"
da "Il cjâf dai furlans" di Franc Fari
proverbi
"cui che al va e torne al fâs bon viaç"
"doi viaçs dongje la aghe, trê tal mulin, e un di vicin"
Torna in Cima