Hai cercato la parola
monolingue
Torna indietro

monolingue

viertidure s.f.
(vier-ti-du-re)
Il vierzi, il vierzisi e il lôr risultât
esempi
"e sclopave la Vierte e si disniçave cun viertiduris di cisignocs e pestelacs"
da "Cjase di Dalban" di Maria Forte
Vedi anche: vierzidure
viertidure s.f.
(vier-ti-du-re)
Puest par là che si pues passâ di un spazi sierât intun altri spazi
sinonimi
buchere, buse, busoc, crepe, crevadure, fal, fressure, lûs, passaç, passadôr, passalizi, sclap, sfese, slambri, spacadure
esempi
"tal sotscjale dal cjast, che al faseve part de cjamarate e jere une viertidure"
da "Sense" di Checo Tam
viertidure s.f.
(vier-ti-du-re)
Scomençament (fig.)
sinonimi
inaugurazion, inviament, scomençament, scree
esempi
"la tierce fase e je segnade di une gnove viertidure dal dialic cu la Europe e cu lis istituzions continentâls"
da "Corsiche, Scozie, paîs Basc, Catalogne, Friûl... Europe" di Marc Stolf
"e jere une zornade di tancj agns indaur, un par di dìs dopo de viertidure de cjace"
da "Une storie di cjace" di Enea De Colle
viertidure s.f.
(vier-ti-du-re)
Il sei viert pal public
esempi
"lis primis taulis di concertazion [...] a àn confermât la domande par une limitazion des viertiduris des buteghis tes zornadis festivis"
da "Cumierç concertazion par vierzi tai dîs di fieste" di Redazion Radio Onde Furlane
viertidure s.f.
(vier-ti-du-re)
Spazi viert, libar, larc
sinonimi
largjece, largjure, larc, estension
esempi
"dute la viertidure dal cîl e jere pal strît di cualchi corvat"
da "La tiere di Lansing" di Maria Forte
"un mont piçal serât dentri trê cunfins di cresti e una viertidura di plan, ma grant grant par me"
da "Pesteli" di Novella Cantarutti
viertidure s.f.
(vier-ti-du-re)
Buine disposizion a acetâ, a conforntâsi (fig.)
esempi
"al cors dai agns otante il Moviment Friûl al varà dai moments di viertidure viers de emitente, [...] ma insom la linie de radio e restarà indipendente ancje di chel partît"
da "Un Friûl difarent: i 90 mhz di Onde Furlane" di Max Mauro
"Suns Europe al è la dimostrazion concrete dai valôrs dal plurilinguisim e di trop che lis tantis lenghis minoritariis che si fevelin in Europe a pandin viertidure e modernitât."
da "Suns Europe 2018" di Redazion Radio Onde Furlane
viertidure s.f.
(vier-ti-du-re)
[TS] (zûcs) Intai scacs, primis mossis di une partide
viertidure s.f.
(vier-ti-du-re)
[TS] (ot.) Rapuart tra il diametri e la distance focâl di un obietîf o di une lint
viertidure s.f.
(vier-ti-du-re)
[TS] (sport) Massime tal balon e tal rugby, slargjament dal zûc tes fassis laterâls
viertidure s.f.
(vier-ti-du-re)
[TS] (fon.) Posizion dal sisteme fonic che i permet al aiar di passâ libar
Torna in Cima