Hai cercato la parola
monolingue
Torna indietro

monolingue

vignî fûr loc.v.
Vignî de bande esterne di alc di sierât o limitât o parât o definît
sinonimi
jessî
esempi
"il mulinâr juste in pont al vignive fûr de puarte par judâlu a scjariâ"
da "Il matescul di Cjabie" di Luigi Gortani
"Bernart al veve viodût Laurinç che al vignive fûr di un bar"
da "Frêt" di Agnul di Spere
"o jerin jo e Laura tal mâr ma aromai al jere tart, o vignìn fûr de aghe"
da "Jo e Graziella" di Mario Beltramini
vignî fûr loc.v.
Jessî di une situazion dificile, pericolose o displasevule
sinonimi
puartâle fûr, puartâse fûr, salvâsi, scjampâ, scjampâle, suiâsi, tirâse fûr
esempi
"l'avocat lu sconzurave di stâ ben atent a ce che al diseve al judiç, par no vignî fûr di chê cause cence un carantan"
da "Frêt" di Agnul di Spere
"fruts tirâts sù cussì a vivevin contents. A cressevin pronts a frontâ e a vignî fûr di ogni dificoltât"
da "I furlans e i frutins" di Riedo Pup
vignî fûr loc.v.
Vê une forme, une disposizion, une direzion che a fasin une prominence rispiet a une linie o a une superficie
sinonimi
dâ infûr, jessî
esempi
"sul cjanton de casarme al vignive fûr il braç dal ferâl che, vie pe gnot, al iluminave la beorcje"
da "La aghe da pît la cleve" di Dino Virgili
"si rivave suntun cuel vert che al vignive fûr dal Gam Spitz"
da "Funerâl a Pâl Piçul" di Pieri Menis
vignî fûr loc.v.
Jessi pandût o cognossût
sinonimi
saltâ fûr
esempi
"e dome cumò il segret di agnorums al ven fûr tal soreli"
da "La aghe da pît la cleve" di Dino Virgili
"e jere vignude fûr dute la veretât sul fat subit dopo; Mariute no voleve sposâ so cugnât vedul, ma done Pine la veve obleade cence remission"
da "Chei di Muraie" di Pieri Menis
vignî fûr loc.v.
Jessi dit, jessi pronunziât
sinonimi
saltâ fûr
esempi
"ce sodisfazion che al veve gjoldude a scoltâ i “sì” che a jerin vignûts fûr di chês bocjis, magari framieç dai dincj"
da "Îr e doman" di Gianni Gregoricchio
vignî fûr loc.v.
Jessi publicât, jessi dât fûr
sinonimi
saltâ fûr, jessî
esempi
"Toni Baldin al à olût fâ vignî fûr chest librut e nome a lui o devi ricognossince se vuê el mio non nol è dismenteât in Furlanie"
da "El cercandul e altris fufignis" di Arturo Feruglio
"al jere un romanç che al fevelave dal Friûl, al jere vignût fûr di pôcs dîs"
da "In viaç di domenie" di Agnul di Spere
vignî fûr loc.v.
Vê une origjin
sinonimi
saltâ fûr, vignî
esempi
"[la nuvice] ti puarte in dote un cûr / che l'è to par sigûr: / e ven fûr da un cjasât, / che par divise al à la fedeltât"
da "La mode" di Pieri Çorut
"[la peraule taliane "pipistrello"] e ven fûr dal latin vespertilio"
da "Peraulis in libertât: i atlants linguistics" di Giovanni Frau
vignî fûr loc.v.
Jessi il risultât o la consecuence di un resonament, di un procediment, di une dinamiche e v.i.
sinonimi
risultâ, saltâ fûr
esempi
"se no mi ven fûr un lavôr come cu va, mi pâr simpri di robâ la palanche al gno prossim"
da "Lis predicjis dal muini" di Josef Marchet
"lis robis a vegnin fatis masse a la svelte e dopo al ven fûr ce che al ven fûr"
da "L'avocat e la luianie" di Pieri Somede dai Marcs
vignî fûr loc.v.
Jessi gjavât a sorte o risultâ chel sielzût o chel che al vinç e v.i. in zûcs, lotariis, tombulis e v.i.
sinonimi
saltâ fûr, vignî
esempi
"te roulette, se al ven fûr il zero al vinç il banc"
vignî fûr loc.v.
Di cundizion fisiche, malatie e v.i., tacâ a vê efiet, vê une manifestazion
esempi
""O sin za avonde mâl sistemadis; guai se nus vegnin fûr i bruscs!""
da "La foghere" di Luciano Rocco
vignî fûr loc.v.
Fâsi notâ par cualchi cualitât, soredut positive, diferenziâsi e jessi miôr di altris
sinonimi
spicâ, fâ spic
esempi
"nus plasarès une vore judâ cui che al à talent e sostignî i artiscj de nestre zone, stant che nus samee simpri un fregul plui dificil vignî fûr cuant che si è a stâ fûr des grandis citâts"
da "Elisa e à un progjet: judâ i zovins musiciscj de regjon" di Redazion Lenghe.net
"probabilmentri no je plui chê voie di vignî fûr , il spirt di sacrifici parcè che cumò a stan ducj ben e a cjapin la vite in maniere difarente"
da "Interviste a Dino Zoff" di Christian Romanin
vignî fûr loc.v.
Dî o contâ alc, soredut alc di particolâr, o mostrâ une intenzion, un desideri, une pretese, une idee e v.i., soredut cuntune cierte sorprese o strambetât
sinonimi
saltâ fûr
esempi
"co verin finît di sbasofiâ l'è vignût fûr cuntune flabe, tant di distraiju, e lassâur la bocje di un altri savôr"
da "Un gustâ diplomatic" di Giovanni Gortani
""Al mi ven fûr cun ciartis pretesis…""
da "Mariute" di Ercole Carletti
"co e veve provât a dîur alc, la vevin fate tasê: "Cumò si use ducj cussì, no stâ vignî fûr cu lis tôs ideis medievâls!""
da "Fûr di timp" di Jolanda Mazzon
proverbi
"cui che al ten dûr, il pagnut al ven fûr"
"dai cjamins al ven fûr fum"
"di une brute scarpe no vignarà mai fûr une biele çavate"
"no bisugne fâ bausiis cun sperance che no vegnin fûr"
"se nol plûf alc al ven fûr"
Torna in Cima